పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/349

342

బ్రహ్మోత్తరఖండము

⁠

తత్కథాశ్రవణం బొనరింపుచున్నంతఁ బ్రసంగవశంబునఁ బరపురుషసంగమంబు గావించిన పుంశ్చలీజనంబుల మదన మందిరంబులందు నరకంబున యమకింకరులు సంతప్తలోహ పరిఘంబులు ప్రవేశింపఁజేయుదు రని వచియించిన బ్రాహ్మ ణునివాక్యంబు లాకర్ణించి యాయింతి మహాభీతచిత్తయై కొంతదడవునకు నావిప్రునకుఁ బ్రణమిల్లి రహస్యంబుగా ని ట్లనియె.

⁠ 304

మ.⁠

గతదోషం బగునశ్వమేధతతి గంగాస్నానకోటిన్ మహో న్నతిఁ గావించిన నైననిష్కృతులు చెందన్‌ రానిపాపంబు లే నతికామాతురవృత్తిఁ జేసితి మహాహంకారతం గ్రొవ్వి యే గతి నెవ్వారల నాశ్రయింతు నిఁక దుష్కర్మంబుల న్మాన్పఁగన్.

⁠ 305

క.⁠

గురుఁడవు తల్లివి దండ్రివి నరయఁగ న న్నుద్ధరింప నర్హుండవు భూ సురవర మన్నరకార్ణవ తరణోపాయంబుఁ దెలుపు దయ సంధిల్లన్.

⁠ 306

క.⁠

అని మది నిర్వేదింపుచుఁ దనపదముల వ్రాలియున్నతరుణిం గని యా ఘనవిప్రుఁడు గారుణ్యం బునఁ గరముల లేవనెత్తి పొందుగఁ బలికెన్.

⁠ 307

మ.⁠

తరుణీ నీ విఁక భీతిఁ జెందకు మహోద్యద్దైవయోగంబునం బరమజ్ఞానము దోఁచె నిప్పుడు భవత్పాపౌఘవారాశిసం తరణోపాయ మెఱుంగఁబల్కెదను జింతం బాసి వైరాగ్యత త్పరవై ధర్మపురాణము ల్వినుము కైవల్యాప్తి నీ కయ్యెడిన్.

⁠ 308