పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/334

పంచమాశ్వాసము

327

⁠

వేదంబుల నొసంగి వేదార్థసారమై         యెసఁగు రుద్రాధ్యాయ మిచ్చెనపుడు

⁠

తే.⁠

అమ్మహాధ్యాయమును బూర్వులైనమునులు భృగుమరీచ్యత్రిముఖులు సంప్రీతి దోఁప నభ్యసించిరి వారలయనుమతమున సంగ్రహించిరి భువిలోనిసకలబుధులు.

⁠ 238

మ.⁠

ధరణీనాథ తదీయశిష్యసుతసంతానోపదేశంబులన్ ధరణింగల్గిన మానవోత్తములు రుద్రాధ్యాయపాఠంబునన్ దురితోచ్చాటనదక్షులై మఱియు నిర్దుష్టాత్ములైయుండఁగా నరకావాసము శూన్యమైనఁ గని కీనాశుండు దైన్యంబునన్.

⁠ 239

యముండు బ్రహ్మసభకుఁ బోవుట

క.⁠

ఆనలినజుసన్నిధికిని భానుసుతుం డరిగి భక్తిఁ బ్రణమిల్లుచుఁ ద న్మానసమునఁ గృప దోఁపఁగ దీనోక్తులఁ బలికె నిట్లు దివిజులు వినఁగన్.

⁠ 240

సీ.⁠

ఓపద్మగర్భ నే నొకవార్త వినుపింతు        నది యథార్థంబు మహాద్భుతంబు నరులు రుద్రాధ్యాయనిరతు లై యనిశంబు        విగతదోషులును బవిత్రచరితు లగుచు దీర్ఘాయుష్కులై సుఖంబుననుండి        కడపట శంకరుకరుణచేత సాలోక్య సారూప్య సామీప్య సాయుజ్య        ముక్తులు గాంతురు ముదము వెలయ

⁠

ఆ.⁠

నస్మదీయలోక మంతయు శూన్యమై

⁠