కింకిణీమేఖలాదిరత్నహాటకమయభూషణాలంకృతవారకామినీ
నర్తనఝళంఝళాయమానరంగస్థలంబును, సాలవకులకదళి
కాశ్వత్థనారంగమాతులుంగనారికేళక్రముకపనసజంబీరఖర్జూర
మాలూరసౌవీరచందనమందారనింబజంబూకదంబాదితరుషం
డమండితోద్యానవససమంచితకీరమయూరకోకిలారావాకోలా
హలంబును మాలతీమల్లికాసేవంతికాకురంటకచంపకాద్య
నేకపుష్పవాటికాశోభితంబును, గంగానదీప్రవాహసంభూత
బహువిధకుల్యాజలప్రవర్ధమానఫలితరసాలకలమాదిసస్య
పరిపూర్ణంబును, బకబలాహచక్రవాకకోయష్టికకారండవ
కలహంసముఖరజలపతంగవిహరణసముల్లసత్కమలకైరవ
కల్హారపరాగసుగంధవాసితసలిలసారరమ్యంబును, విశ్వేశ్వర
మహోత్సవసందర్శనార్థసమాగతచతుర్విధవర్ణాశ్రమజననిరం
తరకలకలారావసమన్వితంబును, మృదంగపటహనిస్సాణ
వేణువీణాదివాద్యహృద్యంబునునై, బ్రహ్మసదనంబునుంబోలె
బ్రహ్మర్షిసేవ్యంబయి, మహేంద్రభవనంబునుంబోలె బహు
విబుధాకీర్ణంబయి, మానససరోవరంబునుంబోలె సముల్లస
ద్రాజహంసంబై, చంద్రమండలంబునుంబోలె నమృతాస్పదం
బయి నారాయణాశ్రమంబునుంబోలె జగత్పావనంబయి
యొప్పుచుండు.
