పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/32

ప్రథమాశ్వాసము

25

ఉ.⁠

ఎప్పుడు గాశికిం జనుదు నెప్పుడు గాంతును విశ్వనాథు నే నెప్పుడు భైరవేశ్వరున కింపుగ మ్రొక్కుదు నిండువేడ్కతో నెప్పుడు గాంగతోయముల నిమ్ముగఁ దోఁగుదు నంచు భక్తితో నెప్పుడుఁ బల్కుమానవుల కీశ్వరుఁ డిచ్చు నఖండసంపదల్.

⁠ 28

వ.⁠

మఱియును.

⁠ 29

సీ.⁠

దిగ్గజంబులనైన ధిక్కరింపఁగఁజాలు            బలములు గలిగిన భద్రకరులు కమలబాంధవరథాశ్వముల నెక్కసమాడు            జవములు గలిగిన సైంధవములు పర్వతంబుల నైనఁ బరిహసింపఁగఁజాలు            నమితమహోన్నతస్యందనములు కంఠీరవంబులగర్వంబు మాయించు            ఘనశౌర్యములు గల్గు కాల్బలములు

⁠

తే.⁠

బ్రహ్మతోనైన వాదించు బ్రాహ్మణులును భార్గవునితో నెదుర్కొను పార్థివులును యక్షపతితుల్యులైనట్టి యార్యజనులు బలునిమెచ్చనిహాలికుల్ గలరు పురిని.

⁠ 30

వ.⁠

మఱియు నమ్మహానగరంబునం గనకమయసముత్తుంగసౌధ ప్రాకారగోపురాట్టాలకభ్రాజమానంబును, విచిత్రమణిమయ గృహద్వారతోరణవితర్దికాదేహళీకుడ్యవాతాయనకుసూల స్తంభవిటంకకేతనాలంకృతంబును, బ్రతిగృహప్రాంగణవిర చితరంగవల్లీవిరాజితంబును, సమస్తవస్తువిస్తారనిస్తులప్రశస్త విపణిమార్గప్రదేశంబును, ఘనసారమృగమదచందనసమ్మిశ్ర హిమజలపరిషిక్తరాజమార్గంబును, హారకుండలమంజీరకంకణ

⁠