పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/31

24

బ్రహ్మోత్తరఖండము

⁠

ముక్తినిధానాంజనంబును నగుదానిం జెప్పెద వినుం డని సూతుం డిట్ణని చెప్పందొడంగె.

⁠ 24

కాశీపురవర్ణన

సీ.⁠

అవనిలోఁ గల్గుపుణ్యక్షేత్రములకంటె          సిరి మించి యుండుఁ గాశీపురంబు బ్రహ్మర్షి దేవర్షి రాజర్షి సముదాయ          సేవ్యమై యుండుఁ గాశీపురంబు కైవల్యసంధాయకంబు నై భువనప్ర          సిద్ధమై యుండుఁ గాశీపురంబు బ్రహ్మహత్యాదిపాపములు భస్మములుగాఁ          జేయుచు నుండుఁ గాశిపురంబు

⁠

తే.⁠

మహితజలరాశిమధ్యనిమజ్జమాన పటుచరాచరజాలకల్పాంతకాల కాలభైరవకరధృతకఠినశూల శిఖరసంస్థాపితంబు గాశీపురంబు.

⁠ 25

క.⁠

కాశీక్షేత్రమహత్త్వము గాశీశునకైనఁ గమలగర్భునకైనం గౌశికునకైన నెన్నం గా శక్యముగాదు నీలగళునకుఁ దక్కన్.

⁠ 26

ఆ.⁠

కాలబైరవుండు గణనాయకుండును బిందుమాధవుండు నిందుధరుఁడు పార్వతియును గుహయు భాగీరథియు మణి కర్ణికయును వెలయుఁ గాశియందు.

⁠ 27