పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/297

290

బ్రహ్మోత్తరఖండము

క.⁠

క్రమ్మఱఁ బూజించి ప్రసా దమ్ము ధరింపఁ దగు సంతతమును జితాభ స్మమ్ము నివేదించిన శీ ఘ్రమ్మున సంతుష్టిఁ జెందు గంగాధరుఁడున్.

⁠ 73

క.⁠

అని యుపదేశించిన విని జననాథకుమారుపలుకు సత్యం బనుచున్ దనలో నెంచుచు దృఢమతిఁ జనియెన్ శబరుండు దనదు సదనంబునకున్.

⁠ 74

చ.⁠

నిరుపమభక్తి నాత్మతరుణీసహితంబుగ నీశ్వరార్చనా పరత వహించి యంతఁ జితిభస్మనివేదన మాచరించి క్ర మ్మఱ నిజభోగవస్తుచయమంత యొసంగుచుఁ దత్ప్రసాదమున్ శిరమునఁ దాల్చి పిమ్మట భుజించు నతండు మనంబు రంజిలన్.

⁠ 75

వ.⁠

ఇట్లు శబరీసమేతముగా శబరుం డమ్మహేశ్వరలింగమునకు దృఢభక్తిపరుండై నిరంతరము పూజనం బాచరింపు చున్నంతఁ గొన్నిదినంబులకుఁ జితాభస్మరహితం బైన పాత్రము నిరీక్షించి తత్సంగ్రహణార్థముగా నలుదెసలం బరికించి యెందునుం గానక మఱలి నిజనివాసమునకు వచ్చి విషణ్ణచిత్తమున మౌనవ్రతుండై యున్న నిజవల్లభుంగాంచి తత్కుటుంబిని యి ట్లనియె.

⁠ 76

క.⁠

నీ వేటికి చింతించెదు శైవసమర్చనము లేల సమకూర్పవు నీ భావముఁ దెలియం బలుకుము నా విని యాశబరుఁ డనియె నతవదనుం డై.

⁠ 77

తే.⁠

అతివ విను మీదినంబున నీశ్వరోప

⁠