పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/29

22

బ్రహ్మోత్తరఖండము

ఆ.⁠

వ్యాసపూర్ణిమలును హరివాసరంబులు ద్వాదశులును భానువాసరములు సంక్రమణము లర్కచంద్రోపరాగంబు లెలమిఁ బుణ్యకాలములు దలంప.

⁠ 15

క.⁠

గతదోషులు మితభాషులు జితకామవిచారు లాత్మశిష్యప్రియులున్ మతిమంతులు నతిశాంతులు గుతుకాత్మకు లైనఘనులు గురువులు దలఁపన్.

⁠ 16

క.⁠

చిత్తమున శుద్ధిగలిగియు మత్తత్వము లేక విగతమత్సరు లగుచున్ సత్తామాత్రంబుగ సుగు ణోత్తరు లయినట్టిశిష్యు లుపదేశార్హుల్.

⁠ 17

మ.⁠

పరమక్షేత్రములందు సాధుజనసంభావ్యైకకాలంబునన్ గురువక్త్రోదిత మైన శాంకరమహాగుప్తార్థమంత్రంబు నె వ్వరికైనన్ శుభమోక్షసత్ఫలదమై భాసిల్లు నెట్లన్న శం బరరాశిస్థితశు క్తిసంపుటపతత్స్వాత్యంబుబిందుక్రియన్.

⁠ 18

క.⁠

సలలితముగ నిమ్మంత్రముఁ దలఁపఁగ నుపదేశహోమతర్పణదీక్షా దులు లేకున్నను జపితల కలవడ నిష్టార్థ మొసఁగు నఘము లడంచున్.

⁠ 19

సీ.⁠

రమణీయతరమంత్రరాజంబులందెల్ల           నధికమై యొప్పుఁ బంచాక్షరంబు ఆగామిసంచితప్రారబ్ధపాతక           హరణకారణము పంచాక్షరంబు

⁠