| సీ. |
ఈభస్మధారణం బేరీతి నొనరింతు
నెయ్యది తన్మంత్ర మెద్ది ఫలము
నెయ్యది దేశంబు నెయ్యది కాలంబు
నెయ్యది విధిఁ దీని నెఱుఁగఁ బలుక
గాఁ దగు మీవంటిఘనులు మహాత్ములు
పుణ్యవంతులు సర్వభూతహితులు
సదమలచిత్తులు సతతంబుఁ గల్పవృ
క్షముకైవడిఁ బరోపకారపరులు
|
|
| తే. |
గాన దుర్జన్మసహితు విజ్ఞానహీను
బాపనిబిడాంధకారకూపప్రవిష్టు
నుగ్రకాయునిఁ బతితు నన్నుద్ధరింపు
భస్మదానం బొసంగి తాపసవరేణ్య.
| 36
|
వామదేవమహామునిపాపవిముక్తుఁ డగుబ్రహ్మరాక్షసునకు నితిహాసరూపంబున భస్మధారణవిక్రమం బెఱింగించుట.
| వ. |
అని బహుప్రకారంబులఁ బ్రార్థింపుచున్న యాబ్రహ్మరాక్షసు
నకు విభూతిమహత్త్వంబు సవిస్తరంబుగా నితిహాసరూప
మునం జెప్పెద నాకర్ణింపు మని వామదేవమునీంద్రుం డి
ట్లని చెప్పందొడంగె.
| 37
|
| క. |
పూర్వమున మందరాహ్వయ
పర్వతవరశిఖరమునకుఁ బ్రమథులు గొలువన్
నిర్వాణఫలప్రదుఁ డగు
శర్వుం డేతెంచె నొక్కసమయమునందున్.
| 38
|
| మ. |
గరుడాభాస్వరసిద్ధచారణమరుద్గంధర్వవిద్యాధరు
ల్సురయక్షోరగసాధ్యరుద్రవసురక్షోభూతవిశ్వాశ్విను
|
|
