| |
మును బంచదశజన్మంబున భల్లూకంబును షోడశజన్మంబున
వనకుక్కుటంబును సప్తదశజన్మంబున గార్దభమ్మును నష్టాదశ
జన్మంబున మార్జాలమ్మును నేకోనవింశతిభవంబున మత్స్యం
బును ద్వావింశతిభవంబున మూషకమును ద్రయోవింశతి
భవమున నులూకమును జతుర్వింశతిభవమున గజమును
బంచవింశతిజన్మమున నివ్వనమున బ్రహ్మరాక్షసుండ నై
జన్మించి క్షుధార్తుండ నై యుండి మిమ్ముం గాంచి భక్షణా
సక్తతం బఱతెంచి భవదీయదేహస్పర్శనమాత్రంబున సంప్రాప్త
పూర్వజన్మజ్ఞానుండ నై నిర్మలహృదయుండ నైతి నట్లు
గావున భవత్ప్రభావంబు దెలియం బలుకవలయు శరణా
గతుం డగు నన్నుద్ధరింపు మని వినయవినమితశిరస్కుం డై
ప్రార్థింపుచున్న యా బ్రహ్మరాక్షసునకు యోగీంద్రుం డి
ట్లనియె.
| 22
|
వామదేవుండు బ్రహ్మరాక్షసునకు భస్మప్రభావంబు దెలుపుట
| క. |
భసితత్రిపుండ్రరేఖా
లసితాచ్ఛమదీయగాత్రలగ్నాంగుఁడ వై
యసురత్వభావదూరుఁడ
వసమానజ్ఞాని వైతి వద్భుతరీతిన్.
| 23
|
| క. |
విస్మయము లొదవ రోగా
పస్మారచయంబు లడఁచుఁ బావనకరమౌ
భస్మము దానిప్రభావం
బాస్మరహరునకును దక్క నలవియె తెలియన్.
| 24
|
| సీ. |
విను పూర్వమునను ద్రావిడదేశవాసుండు
వసుధామరుండు భవాదృశుండు
|
|
