| వ. |
ఇట్లు భూతలంబెల్లఁ గలయం గ్రుమ్మఱుచుండి యొక్క
నాఁడు.
| 6
|
| క. |
అంచితగతి నమ్ముని శివ
పంచాక్షరజపవిశుద్ధభావుం డగుచున్
గ్రౌంచారణ్యపథంబున
సంచారము జేయుచున్న సమయమునందున్.
| 7
|
వామదేవభక్షణాసక్తిచే బ్రహ్మరాక్షసుండు చనుదెంచుట
| తే. |
అద్భుతాకారుఁ డధికక్షుథాతురుండు
రూక్షకేశుండు నతిఘోరవీక్షణుండు
వాయుజవమునఁ జనుదెంచె వామదేవ
భక్షణాపేక్ష నొకబ్రహ్మరాక్షసుండు.
| 8
|
| క. |
అత్తఱి నయ్యోగీంద్రుఁడు
వ్యాత్తానను దీర్ఘకాయు నత్యుగ్రమదో
న్మత్తుని రక్కసుఁ గనుఁగొని
చిత్తంబున భయలవంబుఁ జెందక యుండెన్.
| 9
|
| తే. |
అట్లు నిర్భయుఁ డై యున్న యమ్మహాత్ము
మ్రింగుదు నటంచు వేవేగ మీఁది కురికి
బాహువులు సాచి బిగఁబట్టెఁ బాపబుద్ధి
నాక్షణంబున నాబ్రహ్మరాక్షసుండు.
| 10
|
| సీ. |
పరఁగు చింతామణిస్పర్శంబుచే లోహ
మతిశుద్ధకాంచనం బైనపగిది
మానససరసీనిమగ్నమై కాకంబు
మానుగా రాయంచ యైనరీతి
నమృతపానము జేసినట్టిమనుష్యుండు
|
|
