పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/28

ప్రథమాశ్వాసము

21

⁠

కథాశ్రవణకుతూహలచిత్తు లై యడిగిన, రోమహర్షణ కుమారుం డగు సూతుండు పరమానందకందళితాంతరంగుం డై యమ్మహర్షుల కి ట్లనియె. మహాత్ములారా సర్వజ్ఞులైన మీకుం దెలియరానియర్థంబులుం గలవే యైనను మీరు న న్నడిగినప్రశ్నలకు నుత్తరంబీవలయుం గావున నాకుం దోఁచినంతయుఁ జెప్పెద సావధానులరై వినుండని కృష్ణ ద్వైపాయనుం దలంచి గురువందనంబు గావించి పంచా క్షరీమహత్త్వం బి ట్లని చెప్పం దొడంగె.

⁠ 10

పంచాక్షరీప్రభావము

క.⁠

పంచాక్షరీమహత్త్వము లెంచఁగ శక్యంబె జగతి నెవ్వరికైనన్ బంచాస్త్రజనక శక్రవి రించి ప్రముఖులు దలంతు రిష్టముగాఁగన్.

⁠ 11

ఆ.⁠

పుణ్యకాలమందు పుణ్యతీర్థములందు పుణ్యవంతులైన పురుషవరుల కృపకుఁ బాత్రు లగుచు నుపదేశములు గొన్న వారిమహిమ లెన్న వశముగాదు.

⁠ 12

వ.⁠

అట్టిపుణ్యతీర్థపుణ్యకాలాదు లెయ్యవి యనిన.

⁠ 13

మ.⁠

మధురాద్వారవతీచిదంబరమహామాయాకురుక్షేత్రముల్ మిథిలావంతిగయాప్రయాగములు రామేశాదిపుణ్యస్థలుల్ నిధులున్ సూర్యసుతాసరస్వతులు వేణీతుంగభద్రాకళా నిధిపుత్త్రీమణికర్ణికాదినదులున్ నిశ్శ్రేయసస్థానముల్.

⁠ 14