పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/276

చతుర్థాశ్వాసము

269

క.⁠

వర మడిగెను భద్రాయువు సరసత మజ్జనకునకును జననికిఁ బద్మా కరునకుఁ దత్పత్నికిఁ ద ద్వరసుతునకు ముక్తి యొసఁగవలయు నటంచున్.

⁠ 309

తే.⁠

కీర్తిమాలిని శ్రీసాంబమూర్తిఁ జూచి యనియె మాతండ్రి యైనచంద్రాంగదునకు మఱియు మాతల్లి యైనసీమంతినికిని నలఘుకైవల్య మొసఁగు మోయభవ యనుచు.

⁠ 310

వ.⁠

ఇట్లు వేడిన.

⁠ 311

శా.⁠

అంతన్ శంకరుఁ డావధూవరులవాక్యంబు ల్సమర్థించి య త్యంతప్రేమఁ దదీయవాంఛితము లుత్సాహంబుతో నిచ్చి సు స్వాంతం బొప్పఁగ నాక్షణంబున సమస్తాదిత్యవర్గంబుతో నంతర్ధానముఁ జెందె శీతగిరిజాతాన్వీతుఁడై క్రమ్మఱన్.

⁠ 312

క.⁠

భద్రాయు వంతటను శ్రీ రుద్రునిచే వరము లంది రుచిరాననుఁడై భద్రగతిఁ బురముఁ జేరెను భద్రేభతురంగముఖ్యబలములు గొలువన్.

⁠ 313

వ.⁠

ఇ ట్లమ్మహీనాథుండు బ్రహ్మేంద్రాదిదేవతలకుం బడయరాని సాంబశివప్రసాదంబు వడసి పదివేలసంవత్సరంబులు నిష్కంట కంబుగా నిజరాజ్యం బేలుచుఁ దురంగమేధాదిమహాక్రతువు లాచరింపుచుఁ బరమేశ్వరసమారాధన లొనర్చుచు నిజభార్య యగుకీర్తిమాలినియుం దాను నభీష్టభోగంబు లనుభవింపుచు వంశకరు లైనపుత్త్రులం బడసి పరమాహ్లాదంబున సుఖంబున నుండి రంత.

⁠ 314