పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/249

242

బ్రహ్మోత్తరఖండము

క.⁠

మేదురకుశపుష్పాక్షత వేదస్వనముల వివాహవేదిక యొప్పెన్ సాదరణకృతాహుతులను నాదట వహ్నియుఁ బ్రదక్షిణార్చుల వెలిఁగెన్.

⁠ 208

వ.⁠

తదనంతరంబున.

⁠ 209

క.⁠

నవ్వులు సల్లాపంబులు నివ్వటిలన్ బంధుమిత్రనివహంబులతో బువ్వంబులు భుజియించిరి దివ్వెలు నలుదిక్కులందుఁ దేజము లెసఁగన్.

⁠ 210

తే.⁠

సౌరబలియును నాందీవిసర్జనంబు కంకణోద్వాసనంబు పర్యంకవిధియు నాదిగాఁ గల్గు వరవివాహావశేష కార్యములు దీర్చి రమ్మహౌదార్యపరులు.

⁠ 211

తే.⁠

పేర్మి నారాజకన్యకఁ బెండ్లియాడి శ్రీయుతాకారుఁ డైనభద్రాయు వొప్పె ధన్యయగు దేవసేనను దగ వరించి మానితుం డై చెలంగుసేనానికరణి.

⁠ 212

వ.⁠

ఇవ్విధంబునఁ బరమోత్సాహంబునం దినచతుష్టయంబు గడపి సకలదేశాధీశ్వరులం బిలిపించి వారల ననేకమణిభూషణాంబ రాదిసత్కారంబులం బూజింపుచున్న చంద్రాంగదుం గనుం గొని వజ్రబాహుం డి ట్లనియె.

⁠ 213

మ.⁠

అనఘా యీనరనాథసూనుఁడు మదీయప్రాణసంరక్షణం బొనరించె న్మును మద్విపక్షజనపాలోద్రేకము న్మాన్పి యీ ఘనువంశంబును దల్లిదండ్రులను విఖ్యాతంబుగాఁ దెల్పుమీ

⁠