| |
గమదమిశ్రితసలిలసంసిక్తవిపణిమార్గంబును బహువిధరంగ
వల్లీవిచిత్రతప్రతిగృహాంగణప్రదేశంబును భేరీమృదంగ
ఢక్కావేణువీణావాదిత్రఘోషణంబును దేశాంతరాగత
చతుర్విధవర్ణాశ్రమజనసంకులంబు నైయుండె నంత నప్పౌ
రులు ప్రమోదాయత్తచిత్తులై యారాజనందనుం గాంచి.
| 198
|
| క. |
మనకీర్తిమాలినికి నీ
మనుజేంద్రసుతుండు దగును మఱియు నితనికిన్
మనరాజకన్య దగు నని
మనమున హర్షించి రపుడు మమతదలిర్పన్.
| 199
|
భద్రాయువునకు వివాహం బొనర్చుట
| సీ. |
అంతఁ జంద్రాంగదుం డత్యంతరయమునఁ
దనకూర్మిపట్టి యుద్వాహమునకుఁ
గాశ్మీరకాంభోజకర్ణాటదాశార్ణ
మగధమాళవమత్స్యమద్రపతులఁ
గేకయగాంధారకేరళనేపాళ
గౌళచోళాదిభూపాలకులను
భూసురశ్రేష్ఠుల భువిలోనిజనముల
నతిమైత్రి రప్పించి యాదరించి
|
|
| తే. |
వారియనుమతి వడసి దైవజ్ఞకథిత
శుభముహూర్తంబునందు విస్ఫురణ మెఱయఁ
గన్యకాదాన మొనరించె గౌరవమున
శ్రీయుతుం డై వెలుంగు భద్రాయువునకు.
| 200
|
