ఋషభయోగీశ్వరుఁడు చంద్రాంగదునియుద్దికిఁ జని భద్రాయువునకుఁ గూతునిచ్చి వివాహంబు సేయుమని యుపదేశించుట
క. |
వృషభధ్వజావతారుఁడు
ఋషభుం డారాత్రియందు ఋషులు నుతింపన్
ధిషణప్రజ్ఞాబలుఁ డై
నిషధేంద్రునిపురికి వచ్చె నెమ్మి దలిర్పన్.
| 184
|
వ. |
ఇట్లు విచ్చేసిన ఋషభయోగీంద్రునకుఁ జంద్రాంగదమహీ
పాలుం డెదుర్కొని యభివందనంబులు గావించి యర్ఘ్య
పాద్యాదివిధులం బూజించి కనకాసనంబున గూర్చుండ నియ
మించి యున్నసమయంబున నన్నరనాథునితో యోగీంద్రుం
డి ట్లనియె.
| 185
|
సీ. |
విను నైషధేశ్వర వినుపింతు నొకవార్త
దాశార్ణపతికి భద్రాయు వనఁగ
జనియించి నిజమాతృసహితంబుగాఁ దమ
తండ్రిచేతను బరిత్యక్తుఁ డగుచు
నొకవైశ్యపురమున నుండ నంతట గత
ప్రాణుఁ డై యున్నయాబాలు మఱల
సంజీవితుని జేసి శైవధర్మం బుప
దేశించి ధీమంతుఁ జేసినాఁడ
|
|
తే. |
నతఁడు మాగధుఁ గెల్చి జయంబుఁ గాంచి
జనకునకుఁ గ్రమ్మఱంగ రాజ్యంబు నొసఁగె
నట్టిరాజాత్మజునకు నీయనుఁగుపుత్త్రిఁ
గీర్తిమాలిని నిమ్ము సత్కీర్తి వెలయ.
| 186
|