పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/21

14

బ్రహ్మోత్తరఖండము

⁠

బున నంకురింప సప్తసంతానంబులయందు ముఖ్యసంతానంబు ప్రబంధంబుగావున నస్మద్గురుదేవతావతంసుం డగుపార్థివేశ్వ రునిపేరిట నంకితంబుగాఁ గృతి రచియింప నొక్కకవీంద్రు నియోగింపవలయు నట్లైన నస్మద్వంశంబు పావనం బగు నాచంద్రతారార్కంబుగా యశంబు ధ్రువం బయియుండునని మనంబున నిశ్చయించి.

⁠ 54

శా.⁠

శ్రీమద్వేంకటరామనామునిఁ గవిశ్రేష్ఠున్ రమావల్లభ ప్రేమాపాంగవిశేషలబ్ధకవితాభివ్యక్తసూక్త్యన్వితుం గామారిస్తవభుక్తియుక్తు విలసద్గాంభీర్యధైర్యాఢ్యు న న్నామోదంబునఁ జూచి పల్కిరి సముద్యత్కౌతుకం బొప్పఁగన్.

⁠ 55

క.⁠

వనములును దటాకంబులు ధననిక్షేపములు దేవతాగృహములు నం దనములు పురములు కృతులును జనముల కివి తలంప సప్తసంతానంబుల్.

⁠ 56

క.⁠

ఈచెప్పినసంతానము లాచంద్రార్కముగ నుండు నయినను గృతియే భూచక్రంబునఁ బుణ్యక థాచరితం బగుచు శాశ్వతంబుగ వెలయున్.

⁠ 57

వ.⁠

అట్లు గావున.

⁠ 58

సీ.⁠

శ్రీవేంకటాచల శ్రీయహోబలమధ్య           సీమలయందుఁ బ్రసిద్ధ మగుచు సిరులచేఁ జెన్నొంది శ్రీశైలదక్షిణ           ద్వారమై తగు సిద్ధవటపురంబు

⁠