మందరుండను బ్రాహ్మణునిచరిత్ర
చ. |
సురుచిరహేమరత్నగృహశోభితమైనయవంతికాపురాం
తరమున నొక్కవిప్రుఁడు సదా విషయాభిరతుండు సత్యశౌ
చరహితుఁ డంగనారతుఁడు చంచలచిత్తుఁడు దుర్మదుండు మం
దరుఁడను పేరుగల్గి సతతంబును గాఁపుర ముండు నచ్చటన్.
| 7
|
ఉ. |
అంగదహారకుండలముఖాభరణంబులు దాల్చి గంధసా
రంగమదప్రలిప్తరుచిరాంగము శోభిల నాపురంబునం
బింగళనాఁ బరంగి కడుఁబేర్మి వహించినదాని నొక్కవే
శ్యాంగన గూడియుండు నతఁ డంగజతంత్రముల న్మెలంగుచున్.
| 8
|
ఋషభయోగి మందరుం డనుభ్రాహ్మణుగృహంబునకు వచ్చుట
తే. |
స్నానసంధ్యాద్యనుష్ఠానహీనుఁ డగుచు
జాతిమాత్రోపవీతియై సంచరింప
నతనిగృహమున కొక్కనాఁ డరుగుదెంచె
విషమనేత్రకృపాభోగి ఋషభయోగి.
| 9
|
సీ. |
సిద్ధసేవ్యుఁడు సదాశివమూర్తి యైనట్టి
కృతపుణ్యు ఋషభయోగీంద్రుఁ గాంచి
వేశ్యాసమేతుఁ డై విప్రవంశజుఁ డంతఁ
దగ నెదురేఁగి పాదముల కెఱఁగి
యర్ఘ్యపాద్యాదుల నర్చించి ముద మొప్ప
విమలహిరణ్యపీఠమున నునిచి
మృష్టాన్నపానసంతుష్టుని గావించి
తాంబూల మిచ్చుచుఁ దల్పమందుఁ
|
|