పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/183

176

బ్రహ్మోత్తరఖండము

క.⁠

శుభమైన నశుభమైనను ప్రభువులు వచియించినట్టిపలుకులు వినినన్ విభవంబు లబ్బు నిజముగ నభయము సమకూఱు నమ్మహాత్ముల కెపుడున్.

⁠ 221

క.⁠

మీరెల్ల మదీయాజ్ఞా ధారకులై యుండవలయు దథ్యం బనినన్ ధీరమతి సమ్మతించిరి వా రపుడు విధర్భరాజువచనంబులకున్.

⁠ 222

వ.⁠

ఇట్లు సమ్మతించిన యావిప్రకుమారుల యభిప్రాయం బెఱింగి యాభూవరుండు.

⁠ 223

క.⁠

సారస్వతసుతుఁ డాగమ పారజ్ఞుం డైనసోమవంతున కెలమి న్నారీవేష మొనర్చెను హారిద్రాంజనవిభూషణాంబరమణులన్.

⁠ 224

సీ.⁠

కటిభాగమున దివ్యకౌశేయము ధరించి         నుదుటఁ గుంకుమరేఖఁ గుదురుపఱిచి ప్రచురతాళంబుల గుచమండల మమర్చి         సొగసుగా మృదులకంచుకముఁ దొడిగి నీలవస్త్రమునఁ బెన్నెరివేణిఁగ నొనర్చి         ప్రవిమలం బైనపుష్పములు దురిమి రాణింప మొలను నొడ్డాణంబు బిగియించి         చెక్కిళ్ల మకరిక ల్చక్కఁ దీర్చి

⁠

తే.⁠

కరములను రత్నకంకణాంగదము లమరఁ గర్ణములయందుఁ బాజులకమ్మ లొప్పఁ

⁠