పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/163

156

బ్రహ్మోత్తరఖండము

⁠

శివపూజ దృఢభక్తిఁ జేయు మనుచు సమ్మతంబుగఁ దదాజ్ఞాప్రకారంబున         విడువక వ్రతము గావింతుఁ గానఁ బరఁగ నుమామహేశ్వరులు సన్మాంగల్య         సిద్ధి గల్గఁగఁ గృపఁ జేసి రొక్కొ

⁠

ఆ.⁠

యదియుఁగాక నాకుఁ బదివేలవర్షంబు లధిపుతోడ సౌఖ్య మబ్బునట్లు ద్విజులు పల్కుటెల్ల నిజమయ్యెఁ గాఁబోలు నీశ్వరుండు దక్క నెవ్వఁ డెఱుఁగు.

⁠ 123

మ.⁠

లలితాకారపయఃప్రమారసుగుణాలాపస్వరవ్యంజనం బుల నీతండు మదీయభర్తకరణిం బొల్పారె సంభావ్యభా వ్యలఘుశ్రీఫలనిశ్చయంబులు ఖగవ్యాహారగౌళీవచః కలనాదంబులు వామలోచనభుజాకంపంబులుం దెల్పెడిన్.

⁠ 124

ఆ.⁠

ఫాలలోచనుండు పార్వతీనాథుండు శంకరుండు దగఁ బ్రసన్నుఁ డయినఁ బ్రాణధారు లయినమానవావళులకు భూమిలో నసాధ్య మేమి గలదు?

⁠ 125

వ.⁠

అని వితర్కింపుచు డోలాయమానమానస యై యా సీమంతినీసతి కరగ్రహణమాత్రపులకీకృతాంగియు గళద శ్రుసమ్మిశ్రితాపాంగయు లజ్జానమ్రముఖియు నై యున్న యాశుభాంగి కర్ణదేశంబునఁ గించిద్రహస్యంబుగా నీవు విషాదంబుఁ జెందవలదు నీవల్లభుంగూడి సుఖంబున నుండఁ గలవు ఏను దజ్జననీజనకులకు నతనికుశలవార్త యెఱిం గింపం బోయెద నని పలికి క్రమ్మఱ తురంగాధిరూఢుండై

⁠