పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/15

8

బ్రహ్మోత్తరఖండము

ఉ.⁠

మంత్రియుగంధరుండు శతమన్యుమహావిభువుండు లోభిదు ర్మంత్రిగజాంకుశుండు రిపుమర్దనవిక్రమశాలి దేవతా మంత్రిసమాననీతిగుణమాన్యుఁడు ధన్యుఁడు తారకస్ఫుర న్మంత్రపరాయణుండు బుధమాన్యుఁడు సుబ్బనమంత్రి ధారుణిన్.

⁠ 30

క.⁠

హరిభక్తియు గురుభక్తియుఁ బరజనహితమార్జనంబు బంధుప్రియమున్ గరుణాపరతయుఁ గలిగిన సరసుఁడు సుబ్బన్నసాటి సభ్యులు గలరే.

⁠ 31

శా.⁠

ఆసుబ్బన్నయనుంగుమామ నరసింహస్వామిపాదాబ్జసే వాసంభావితభాగ్యవైభవుఁడు తత్త్వజ్ఞానవైరాగ్యదూ ర్వాసవ్యాసవసిష్ఠసన్నిభుఁడు భాస్వన్మంత్రతంత్రాగమా భ్యాసప్రజ్ఞుఁడు పోల్చు వేంకటనృసింహామాత్యచంద్రుం డిలన్.

⁠ 32

సీ.⁠

శ్రీమహనీయలక్ష్మీనృసింహపదాబ్జ            మధుపాయమానసన్మానసుండు రమ్యగుణుండు భారద్వాజగోత్రుండు            సలలితరాజాంశసంభవుండు ధర్మార్థకామామృతప్రాప్తచరితుండు            విమలతేజుండు భూవిదితయశుండు ప్రాహుణికప్రజాపటలచింతామణి            బంధుమండలకల్పపాదంబు

⁠

తే.⁠

సరసరామాయణాన్వయజలధిచంద్రుఁ డైనవేంకటరామున కాత్మజుండు

⁠