పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/123

116

బ్రహ్మోత్తరఖండము

క.⁠

రక్షింపుము పరమేశ్వర రక్షింపుము ఫాలనేత్ర రమ్యచరిత్రా రక్షింపు భక్తవత్సల రక్షింపు విపన్నజనశరణ్య మహాత్మా.

⁠ 337

తే.⁠

నిఖిలలోకైకనాథ మౌనీంద్రవంద్య మించి నేఁ జేయుతప్పు సహించి ప్రోవు మనుచుఁ బ్రార్థన మొనరించి హర్ష మొదవ శివకథాకర్ణనంబుఁ దాఁ జేయవలయు.

⁠ 338

క.⁠

అనయంబు సాధకుఁడు ని ర్ధనుఁడైన మహాఢ్యుఁడైనఁ దద్దయుఁ బ్రీతిన్ వినయమున శంకరుని బ్రా ర్థన చేయఁగవలయు భక్తితాత్పర్యమునన్.

⁠ 339

మ.⁠

జపహోమంబు లొనర్చి సాధకుఁడు సచ్ఛాల్యన్నదానక్రియా ద్యుపచారంబుల భూసురేంద్రులకు సంతోషంబు గావించి మా న్యపరీతుం డగుచుం దదీయవిఘసాన్నప్రాశసుండై యుమా ధిపు సేవించినఁ జెందు సంపదలు భక్తిజ్ఞానవైరాగ్యముల్.

⁠ 340

చ.⁠

ప్రమథగణేశు శంకరుని బన్నగహారు మహాప్రదోషకా లమున నితాంతభక్తి విమలాత్ములు పూజ లొనర్చి భోగభా గ్యముల సుఖంబుఁ గాంతురు జగద్విదితంబుగ నట్టివారిదే హములను లేము లంటవు సహస్రభవంబులకైన మానినీ.

⁠ 341

మ.⁠

ధరణీభాగమునందు మర్త్యులు శివద్రవ్యాపహారక్రియా దురితం బొక్కటిఁ దక్క దక్కినమహాదుష్పాపముల్ ద్రోచి బం ధురభాగ్యోన్నతిఁ జెంది మిత్రజనబంధుశ్రేణులుం దాము సు స్థిరులై యుండ్రు ప్రదోషకాలమున భక్తిన్ శంభు బూజించినన్.

⁠ 342