ర్భుజయుఁ బాశాంకుశధనుర్బాణధారిణియు సువర్ణమణి
మయమేఖలాపరిశోభితనితంబబింబయు రంభాస్తంభప్రతి
మానమృదూరుయుగ్మయుఁ గందర్పతూణీరసమానజంఘి
కయు దేవగంధర్వకామినీసమర్చితపాదకమలయు నిందీవ
రేక్షణయు మందారపుష్పదామవిరాజద్వేణియు మహా
త్రిపురసుందరియు జగదంబయు నైనగిరికన్యక నాత్మలోఁ
దలంచి తదనంతరంబున బాహ్యపూజాపరుండయి సవ్యాప
సవ్యంబుల గురుగణేశులఁ బూజించి యీశాన్యాద్యష్టదిగ్భా
గంబుల క్షేత్రపాలక వాస్తోష్పతి సరస్వతీ పార్వతీ ధర్మజ్ఞాన
వైరాగ్యైశ్వర్యంబుల నమోంతంబులుగాఁ బూజనంబులు
గావించి ఇంద్రాద్యష్టదిక్పాలకులను సప్తమాతృకలను నణి
మాద్యష్టసిద్ధులను ధర్మాధర్మంబులను దత్తద్దేవతాకంబు
లయినమంత్రంబుల సమర్చితులం గావించి నందీశ్వర
చండీశ్వర భృంగీశ్వర కుమారవీరభద్రసమేతుండును
దేజోమయుండును నైనసాంబసదాశివస్వామిని న్యాస
పూర్వకంబుగా రుద్రసూక్తంబుల షోడశోపచారవిధులం
బూజింపవలయు.