పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/112

ద్వితీయాశ్వాసము

105

సీ.⁠

తనపుత్త్రుతో పాటు చనుబా లొసంగుచుఁ            గూరిమితోఁ బెంచెఁ గొన్నినాళ్లు బాగుగా నింటింట భైక్షాన్నములు తెచ్చి            కుడువఁబెట్టుచు సాఁకెఁ గొన్నినాళ్లు సతతంబు దేవతాసంతర్పణంబులఁ           గొమరొప్పఁ బోషించెఁ గొన్నినాళ్లు అవనీసురులయిండ్ల హవ్యకవ్యము లైనఁ          గోర్కులు సమకూర్చెఁ గొన్ని నాళ్లు

⁠

తే.⁠

ఆత్మసుతుఁ డంచు బరసుతుఁ డంచు మదిని భేద మింతయులేక సమ్మోదమునను బ్రేమ నిరువుర నొకరీతిఁ బెంపుచుండె నౌర యాయమసాటి యెందైనఁ గలరె.

⁠ 290

క.⁠

ఇమ్ముగ భూసురజనముల సమ్మతిఁ జౌలోపనయనసంస్కారంబుల్ సమ్మదమునఁ గావించె శు భమ్ముగ నమ్మానవులకుఁ బ్రాభవ మెసఁగన్.

⁠ 291

ఉ.⁠

జోలెలు చంకలం దిడి కిశోరకభావము లుప్పతిల్లఁగా ఫాలమునందు భూతికలపంబులు పూయుచు బ్రహ్మచారులై బాలకు లిర్వు రెప్పు డిరుపార్శ్వములన్ జనుదేర నేఁగి గ్రా మాలయసీమలం దిరిగి యాయమ భైక్షముఁ దెచ్చు నిత్యమున్.

⁠ 292

క.⁠

ఈరీతి సబాలకయై యూరూరును దిరుగుచుండి యొకనాఁడు విధి ప్రేరణమున నొక్కశివా గారమునకుఁ జనియె నుమయుఁ గౌతుక మొదవన్.

⁠ 293