పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/103

96

బ్రహ్మోత్తరఖండము

క.⁠

ఈవృత్తాంతము మీ రా భూవిభునకుఁ జెప్పి రండు పొం డని పనుపం గా వచ్చి రపుడు చారులు వేవేగమె చంద్రసేనవిభుసన్నిధికిన్.

⁠ 239

ఉ.⁠

వచ్చి నృపాలచంద్రునకు వందనకృత్యము లాచరింపుచున్ మచ్చికఁ జారు లిట్లనిరి మానవనాయక యుద్ధకాంక్షులై వచ్చినరాజవర్యులు శివాలయగోపకదర్శనార్థమై వచ్చినవారు వాఁకిటికి వారలవాక్యము లాదరింపుఁడీ.

⁠ 240

క.⁠

శ్రీహరుఁడు సాక్షిగను మా వాహనములు నాయుధములు వర్జించి మహా స్నేహమున భవత్పురికిన్ సాహసకృత్యములు మాని చనుదెంతు మొగిన్.

⁠ 241

క.⁠

అని చారముఖంబున నుడి విననృపవచనముల కలరి విభుఁ డతిమైత్రిన్ జనపతుల వేగ రమ్మని తనభృత్యులఁ బంపె నతిముదంబు సెలంగన్.

⁠ 242

క.⁠

ఆదూతవరులు చని యపు డాదేశాధీశ్వరులకు ననుమతి యొసఁగన్ మోదంబునఁ జనుదెంచిరి నాదరతను చంద్రసేనుసన్నిధి కరయన్.

⁠ 243

వ.⁠

ఇట్లు పురంబులోనికిఁ జనుదెంచిన యారాజసత్తములకు నత్యంతవినయంబునం జంద్రసేనమహీనాథుం డెదుర్కొని వందనాలింగనాదిసత్కారంబుల వారల నాదరించి తోడ్కొని తెచ్చి వారలుం దానును నత్యంతమిత్రభా

⁠