పుట:ప్రభావతీప్రద్యుమ్నము (పింగళి సూరన).pdf/31

ఉ.⁠

సూరయసూరమంత్రి కతిశుద్ధిఁ దలిర్చినయక్కమాంబయం దౌరసు లుద్భవించిరి మహాత్ములు నల్వురు సజ్జనస్తుతో దారగుణాభిరాము లయి యన్నయభవ్యుఁడు సూరసూరయు న్ధీరుఁడు వల్లశౌరియును నీతయశస్కుఁడు లింగనార్యుఁడున్.

⁠ 28

వ.⁠

వారిలోన.

⁠ 29

క.⁠

వల్లయమంత్రికిఁ బుత్త్రుఁడు పుల్లయమంత్రి యనఁ బుట్టె భువి లింగన కు త్ఫుల్లయశుఁడు సూరయయును సల్లాలితనీతి యక్కసచివుఁడు దనయుల్.

⁠ 30

క.⁠

వారలకు నగ్రజుం డగు సూరయసూరప్రభుండు సుకవిత్వసదా చారశివభక్తివినయో దారత్వాదులఁ బ్రసిద్ధతముఁడై మించెన్.

⁠ 31

క.⁠

వేడుక నాయన పెండిలి యాడె వెలగలేటియమరనామాత్యసుతన్ వ్రీడావతులందును గొని యాడం దగినయమలాంబ నఖిలగుణాఢ్యన్.

⁠ 32

క.⁠

అమలమహాగుణనిధి యా యమలను హారిప్రకారయశమునఁ దనరెన్ గమలాలయాసరస్వ త్యుమ లాలలితాంగిఁ బోల్ప నొనరెడుగరితల్.

⁠ 33

ఉ.⁠

ఆయమలమయందును గృహస్థశిరోమణి సూరశౌరి య త్యాయతశీలురం గనియె నాత్మజుల న్ముగురన్ సుధీజన ధ్యేయగుణప్రశంసు నమరేశ్వరమంత్రిని ధర్మనిర్మలో పాయుని మల్లనార్యు నతిభవ్యత మించినయక్కధీరునిన్.

⁠ 34