పుట:ప్రబోధచంద్రోదయము.pdf/8

నందిమల్లయ చెల్లెలు — అమ్మలాంబ ఘంటసింగయ తల్లి యగుటచేత, నందిమల్లయకు ఘంటసింగయ మేనల్లుడు.

పారిజాతపహరణమును రచించిన నంది తిమ్మన తను మలయమారుతకవీంద్రునకు అనగా ఘంట సింగయ్యకు మేనల్లుడనని యిట్లు చెప్పుకొన్నాడు.

సీ.⁠

కౌశికగోత్ర విఖ్యాతుఁ డాపస్తంబ                           సూత్రుఁ డార్వేల పవిత్రకులుఁడు నంది సింగామాత్యునకు దిమ్మాంబకుఁ                           దనయుండు సకలవిద్యావివేక చతురుఁడు మలయమారుతకవీంద్రునకు మే                           నల్లుండు కృష్ణరాయక్షితీశ కరుణాసమాలబ్ధఘనచతురంతయా                           నమహాగ్రహారసన్మానయుతుఁడు

⁠

గీ.⁠

తిమ్మయార్యుండు శివపరాధీనమతి య ఘోర గురువరు శిష్యుండు పారిజాత హరణమను కావ్య మొనరించె నాంధ్రభాష నాదివాకరతారాసుధాకరముగ.

⁠ (5-108)

పైపద్యమున నందితిమ్మన ఘంటసింగయ్య మేనల్లుడని స్పష్టపడినది. నందిమల్లయ్యకు ఘంటసింగయకు - మేనల్లుడుకాగా, ఆతనిమేనల్లుడు నందితిమ్మన యని మనకు విశదమైనది. అప్పుడు సంపూర్ణవంశవృక్ష మిట్లుండును—