| |
చాటులగతిఁ దారకములు
కూటువులై కోటతుదలఁ గొమరారుఁ బురిన్.
| 140
|
తెనాలి రామలింగయ్య - హరిలీలావిలాసము
| క. |
పురనిధిరక్షకునై ఫణి
పురము వెడలి [వెట్టి] వెట్టి పొంగారు ఫణా
ధరపరివృఢుకరణి భయం
కరమగుఁ బ్రాకారపరిధి కడు నచ్చెరువై.
| 141
|
పరిఖలు
| చ. |
ధరణికిఁ గోట చక్రగిరి దాని కగడ్తట వారి రాసులా
పరిఖలు కోటలో నునికి భావ్యము గాదని యబ్జసూతి భా
సురముగఁ జక్రభూధరము చుట్టును వార్థులు నిల్పె నాఁగ శ్రీ
కరముగఁ గోటచుట్టును నగడ్తలు చెల్వగు నప్పురంబునన్.
| 142
|
ప్రౌఢకవి మల్లయ – రుక్మాంగదచరిత [1-72]
| సీ. |
కాలకంధరచాపఖండనోద్ధతరాఘ
వామోగతీవ్రశరాగ్నిఁ దెగక
కలశోద్భవోదగ్రకఠినహస్తకుటీర
కోణకోటరమునఁ గ్రుంకఁబడక
యౌర్వానలాభీలదుర్వారభీకర
జ్వాలికావలిచేతఁ గ్రోలఁబడక
యక్షుద్రరౌద్రబాహాటోపపక్షిరా
ట్పక్షవిక్షేపంబు పాలుగాక
|
|
| తే. |
రమణఁ జూపట్టు రత్నాకరంబు నాఁగ
ఘుమఘుమారంభగంభీరఘూర్ణమాన
మీనకమఠోగ్రనక్రసమృద్ధిచేతఁ
బరఁగు విదిశాపురంబునఁ బరిఖజలధి.
| 143
|
తెనాలి రామలింగయ్య - హరిలీలావిలాసము
| చ. |
సరళదలత్సరోజఘనసారపరాగపరంపరాపరి
స్ఫురితసువర్ణవర్ణమును బూరితదిఙ్ముఖహంసనాదమే
దురమును నై యగడ్త కనుదోయికిఁ బండువు సేయ మ్రోయుఁ ద
త్పురవరలక్ష్మి యెప్పుడును బూనెడు కాంచనకాంచియో యనన్.
| 144
|
