పుట:ప్రబంధరత్నాకరము.pdf/234

నాచిరాజు సోమయ - ^[1]మత్తలీలావిలాసము

చ.⁠

సుకృతము కాచెఁగాక చెలి జూదరిపట్టు మదాళిమాలికా చికుర[2]భరంబు జీర్ణదళచేలములుం గుదియింపఁ [3]ద్రెవ్వునే సకలవనావనీద్రుపదజాతజనార్దనుభంగిఁ జూడఁడే యకట వసంతుఁ డీ కిసలయాంశుకసంహతి పెద్ద సేయుటన్.

⁠ 58

జక్కన - సాహసాంకము [5-1]

సీ.⁠

రాజకీరకుమారరాజి కక్షరశిక్ష               మొనరింప వచ్చిన యొజ్జ యనంగఁ గలకంఠనికురుంబకములకు వాకట్టు               విడిపింప వచ్చిన మొజ్జ యనంగఁ దరులతాదులకు వార్థకము మానంగ మందు               సేయంగ వచ్చిన సిద్ధుఁ డనఁగ సంప్రణయక్రోధజంపతినివహంబుఁ               గలుప [4]వచ్చిన చెలికాఁ డనంగ

⁠

తే.⁠

మందమారుతోద్ధూతమరందబిందు సిక్తషట్పదజ్యారవశ్రీవిలాస మకరకేతుప్రతాపసమగ్రమై వ సంత మేతెంచె సంతతోత్సవ మెలర్ప.

⁠ 59

ముక్కు తిమ్మన – పారిజాతము [3-51]

సీ.⁠

పరువంబుగాక చొప్పడని మామిడితేనె               లాన నాసాస నఱ్ఱాడునవియుఁ దమకించి చిగురాకు [5]గమిచి నో రొగరైనఁ               గడఁగి గొజ్జఁగినీటఁ గడుగునవియు [సంపెంగపొదరింటి చక్కి గోరఁటఁ గాంచి               యుసురంచు మగిడి నోరూరునవియుఁ] గలిగొట్టు [6]పసరుమొగ్గలఁ [7]గోర్కి పొలివోయి               మునుపటి మొల్లల మూఁగు నవియుఁ

⁠

ఆ.⁠

ననుచుఁ దేఁటికదుపు లామనిఁ దలసూపెఁ జూపుదనుక నెల్లచోటఁ దోఁట యందుఁ దామ యగుచు నమ్మరు నెలగోలు [8]పౌఁజు లనఁగఁ జూడ్కి పండువయ్యె.

⁠ 60

1. దత్త
2. చ.ఫలంబు
3. చ.పెంపు
4. చ.దలచిన
5. చ.గరచి
6. చ.సొబగు
7. చ.కోకో
8. చ.పండు గ