| |
మొగిఁ బాపఱేఁడు మైముడిగి నిద్రించుట
తుహినంబు సోఁకునఁ దూలి కాదె
|
|
| ఆ. |
యనఁగ సకలదిశల నలమి జీవులనెల్లఁ
గంప మొందఁజేసెఁ బెంపు మిగిలి
కమలములు హరించి కమలాప్తుఁ గొలువంగ
నప్పళించి శీత మరుగుఁదెంచె.
| 36
|
| సీ. |
నేల యెంతెంతయు [1]నెఱి చంద్రకాంతపు
రాలఁ గట్టించినలీల మెఱసె
నింగి యెంతెంతయుఁ బొంగి దుగ్ధాంభోధి
నిట్ట పట్టినమాడ్కి దట్ట మయ్యె
దిక్కు లెన్నెన్నియు నొక్కటి వెలిపట్టి
తెరచీర లెత్తినకరణిఁ దోఁచెఁ
గొండ లెన్నెన్నియుఁ గొమరాడు హరికతో(?)
కలయఁ బర్వినరీతిఁ దెలుపు చూపెఁ
|
|
| తే. |
దరువు లెల్లను ఘనసారతరువు లయ్యెఁ
గొండ లెల్లను హరు వెండికొండ లయ్యె
గజము లెల్లను నమరేంద్రు గజము లయ్యె
గురుతరంబగు పెనుమంచు కురియు కతన.
| 37
|
భైరవుఁడు – శ్రీరంగమహత్త్వము [2-36]
| సీ. |
ప్రత్యూషజృంభితప్రాలేయదుర్లక్ష్య
మాణపద్మభవాండమండలంబు
సంకులద్వాసరసమయ[2]మందిరభవ
ద్యోతఖద్యోత[3]భానూత్కరంబు
వితతనిశీధినీవేళాసహస్ఫీత
శీతరుగ్బింబవిజృంభణంబు
శీతాంశుదుర్విధవ్రాతసంచితకరీ
షాగ్నిధూమావృతాశాంతరంబు
|
|
| తే. |
నగుచు నంతంత [4]కెగసె నీహారధరణి
ధరసముద్ధూతనిబిడశీతలసమీర
ణాభిసంపాతజాతమాయాతిభీత
జంతుసంతాన మగుచు హేమంత మంత.
| 38
|
- ↑ చ.నెలి
- ↑ చ.మందిత
- ↑ చ.నాభాంసురంబు
- ↑ చ.కే సన
