పుట:ప్రబంధరత్నాకరము.pdf/228

మల్లికార్జునభట్టు – కిష్కింధాకాండ [404]

శా.⁠

సోమస్ఫూర్తికరంబు నిర్మలనదీస్తోమప్రవాహంబు ని ర్జీమూతంబు నిరస్తకర్దమధరిత్రీకంబు శుభ్రీకృత వ్యోమాశాంతము ఫుల్లకాశముఁ దుషారోద్గారి యున్మీలితో ద్దామాంభోజసరోవికాసము శరత్కాలంబు గానంబడెన్.

⁠ 32

[415]

చ.⁠

దలదరవింద[1]గంధకుముదస్మిత తారకహారచంద్రికా మలయజ బంధుజీవకు[2]సుమస్ఫురితాధర యుల్లసన్నదీ పులిననితంబబింబ తిలపుష్పసునాసిక యుత్పలాక్షి ని ర్మలవిధుమండలాస్య [3]యయి రమ్యశరన్నవలక్ష్మి యొప్పెడున్.

⁠ 33

హేమంతఋతువు

పెద్దిరాజు – అలంకారము [3-107]

క.⁠

బలవ[4]త్కాలీయకకం బళ[ఘన]కౌశేయపట్టపటమాంజిష్టం బులఁ జనదు సీతు యువతుల వలిచన్నులఁ దక్క ననుచు వలయున్ బొగడన్.

⁠ 34

[3-108]

మ.⁠

తరుణీయౌవనగర్వజృంభితకుచోదగ్రోష్మగంధంబులన్ వరకాశ్మీరససాంకవాగురురసవ్యాసక్తులం [5]బట్టికాం బరమాంజిష్టపటాదులన్ హిమగతిన్ బ్రాపింప రీ విశ్వభూ వరు మెప్పించిన సత్కవీంద్రు లతులావాసంబులం దిమ్ములన్.

⁠ 35

అయ్యలార్యుని సింగయ – పద్మపురాణము – ఉత్తరఖండము

సీ.⁠

హరి లచ్చి నేప్రొద్దు నక్కునఁ జేర్చుట               హేమంత మరుదెంచు టెఱిఁగి కాదె హరుఁడు ఫాలంబున ననలంబుఁ దాల్చుట               తఱుచైన చలి కోర్వ వెఱచి కాదె కూర్మంబు మేను సంకుచితంబు సేయుట               శీతాగమం బగు భీతిఁ గాదె

⁠

1. చ.గంధి
2. చ.కుముద
3. చ.యటు
4. చ.కాళేయ
5. చ.బాటి