పుట:ప్రబంధరత్నాకరము.pdf/214

తెనాలి రామలింగన – హరిలీలావిలాసము

చ.⁠

తెలతెలవాఱ నొయ్య నరుదెంచు నిశాంతరతాంతతాంతలౌ చెలువల కింపుగా మెలఁగుఁ జెక్కులఁ గూరిన చూర్ణకుంతలా వళి సదళంబుగా జడియు వాడిన సెజ్జలమీఁదఁ బ్రావిరుల్ దొలఁగఁగఁజేయు నూడిగపుఁదొయ్యలులం బలె వేఁగుఁదెమ్మెరల్.

⁠ 238

జక్కన - సాహసాంకము [1-97]

సీ.⁠

కమలాగృహకవాటకలితకుంచిక నాఁగ               జలజకోరికరాజిఁ [1]గలయఁ దెఱచి మధుకరాకర్షణమంత్రసిద్ధుఁడు నాఁగ               కుసుమరజోభూతి దిశలఁ జల్లి సుభగలతానటీసూత్రధారుఁడు నాఁగ               నృత్యవిద్యాప్రౌఢి నెఱయ నేర్చి సకలజీవోన్మేషసంజీవని యనంగఁ               బ్రకటనిద్రాముద్రఁ బాయఁ జేసి

⁠

తే.⁠

మందిరోద్యానవాటికలందుఁ బొలసి వేఁగుఁబోఁకలఁ దత్పురి విశ్రమించు శౌర్యమాంద్య[2]సౌరభ్యసాహిత్యమైన మలయపర్వతసంజాతమారుతంబు.

⁠ 239

తిక్కనసోమయాజి – ఉద్యోగపర్వము [2-112]

సీ.⁠

పద్మరాగంబులు పరఁగించు నరుణోద               యంబు కాంతికిఁ జెలువంబు మిగులఁ బరువంబు దప్పిన విరులు రాలుచుఁ దరు               చయము చుక్కలు లేని చదలఁ జెనయ నరవిరినెత్తావి నడరించు నున్నిద్ర               విటవీటిసౌరభవితతి వొదల నెలఁత చీఱిన యెఱకల నెఱిఁదీర్చు జ               క్కవలు చందోయి కేఁకట యొనర్ప

⁠

ఆ.⁠

వెలరువాఱు దీవియల నార్చు నల్లన సొరణగండ్లయందుఁ జొచ్చి సుడిసి తిరిగి వేగుఁబోక తెమ్మెర లెలదీఁగ కొనల వంక లొత్తు ననలఁ బ్రోచు.

⁠ 240

1. గ.గలయఁదెఱచి
2. గ.సౌధత్వ