పుట:ప్రబంధరత్నాకరము.pdf/201

కవిలోకబ్రహ్మ - రత్నావళి

[1]సీ.⁠

చిత్తజాంతకశిరస్సింహాసనంబుపై               నిండువేడుకఁ గొలువుండు రాజు ప్రొద్దుప్రొద్దుకుఁ దండ్రిఁ బొడగన్న [2]నివటిల్లు               ప్రేమంబుతోడను బెంచు కొడుకు భటులకుఁ బగలిచ్చి పని దప్పిపోకుండ               రాత్రులు గొలువిచ్చు రమ్యమూర్తి నిర్జరావలి నెల్ల నెలనెల దప్పక               పడిపట్టుఁ బ్రోచిన ప్రభువరుండు

⁠

తే.⁠

ప్రొద్దు వెన్నంటి కలువల ప్రోదికాఁడు జారచోరులపాలిటి చల్లజంపు కొలఁది దప్పిన విరహుల గుండెదిగులు చంద్రుఁ డుదయించెఁ గాంతినిస్తంద్రుఁ డగుచు.

⁠ 190

తులసి బసవయ్య – సావిత్రికథ

[3]సీ.⁠

జగదేకవైభవాస్పదమైన తనమేను               వేల్పుల కెవ్వాఁడు విందు సేసె మన్మథాంతకు జటామండలం బెవ్వాఁడు               దిట్టయై తోరణ గట్టుకొనియె వనజాతవాసిని కనుజుఁడై యెవ్వాఁడు               వేడ్క నంభోధి నావిర్భవించె గాఢాంధకారసంఘములపై నెవ్వాఁడు               ధవళాంశుపటలంబు దాడి పెట్టె

⁠

తే.⁠

నట్టి వేల్పు నిశారాధ్యపట్టబద్ధుఁ డభ్రకాసారరాజహంసార్భకంబు తారకాలోకసౌఖ్యప్రధావిభూతి నమరుఁ గళలకుఁ దానకం బనగఁ బఱఁగి.

⁠ 191

కవికర్ణరసాయనము [4-125]

[4]సీ.⁠

అంగసంభవుప్రోషితాలంభవిధిఁ బ్రతి               ష్ఠింప మండెడు హేమశిఖి యనంగఁ దిమిరాఖ్యభూతతృప్తికిఁ బాచి యను వేఁట               నఱకిన మెడపట్టు [5]నఱ కనంగ నాతపతప్తకల్హారలక్ష్మి నిశాం               గన యిచ్చు మడతచెంగావి యనఁగఁ

⁠

1. క.లో లేదు.
2. గ.నెపుడెట్లు
3. క.లో లేదు.
4. ఇవి 199వ పద్యము తర్వాత కలవు.
5. గ.నమకుఁ డనఁగ