పుట:ప్రబంధరత్నాకరము.pdf/196

[?]

సీ.⁠

[1]అత్త మామయుఁ దల్లి యన్నలు మఱదులు               గలుగ కింటికిఁ దాన కర్తయైన పుట్టినింటనె యున్నఁ బొరుగిల్లుఁ ద్రొక్కినఁ               దీర్థోత్సవములకుఁ దిరుగుచున్న పరదేశమున నున్నఁ బరపురుషుల గోష్ఠిఁ               బ్రియము పుట్టిన నాజ్ఞ వెట్టకున్న జారకాంతలతోడి సంసర్గ చేసిన               గులధర్మ మెంతయుఁ [2]గుతిలపడిన

⁠

తే.⁠

మగడు ముసలైన మిక్కిలి మలినుఁడైన దూర మరిగిన దీనుఁడై చేరకున్న కఠినరతుఁడైన నేప్రొద్దుఁ గలహియైన సతి పరద్వారి యగు నెల్లజాతులందు.

⁠ 171

కేయూరబాహుచరిత్ర [3-225]

[3]సీ.⁠

మగనివారెవ్వరు మందిరంబున లేక               జవ్వనంబునఁ దన చనవయైన నెల్లకాలము పుట్టినింటనె నిల్చిన               యాత్రోత్సవములకు నరుగుచున్నఁ బని లేక పొరుగిల్లు పలుమాఱు ద్రొక్కిన               మగవారితో గోష్ఠి మానకున్న చెడ్డయింతులతోడి చెలిమి యొనర్చిన               వరుఁడు ప్రవాసైకనిరతుఁడైన

⁠

తే.⁠

విభుఁడు గొనబైన మిక్కిలి వృద్ధుఁడైన బచనికాఁడైన నెప్పుడుఁ బరుసనైనఁ దన్ను మెచ్చక యొకతెను దగిలెనేనిఁ జెడక తక్కదు ధర నెట్టి పడఁతియైన.

⁠ 172

ఉభయకవి లక్కాభట్టు - శతపక్షిసంవాదము

[4]శా.⁠

నీవీబంధము వీడు మోవి యదరున్ నేత్రంబు లల్లాడుఁ జ న్గ్రేవ ల్గానఁగ వచ్చుఁ గ్రొవ్వెడ విరుల్ పృథ్వీస్థలిన్ రాలు హృ ద్భావాగారము లోనఁ జెమ్మగిలుఁ జిత్తం బుత్తలంబొందు నా నావిభ్రాంతులు పుట్టు నింతులకుఁ బొంతన్ వింతవారుండినన్.

⁠ 173

1. క.అన్న
2. గ.గుటిల
3. క.లో లేదు.
4. క.లో లేదు.