పుట:ప్రబంధరత్నాకరము.pdf/194

తే.⁠

రజతగిరియందుఁ దాండవారంభరభస భంగిపతిత[1]పరశ్వథపాణివికట కంధరా[2]రుద్ధగజ[3]కృత్తికంథశంక ప్రమథులకుఁ దోఁప నంధకారంబు ప్రబలె.

⁠ 164

ముక్కు తిమ్మన – పారిజాతము [2-34]

సీ.⁠

దినవారరాశి మాపను మౌని గ్రోలంగ               నడుగునఁ గనుపట్టు నస లనంగఁ గ్రుంకు[4]మెట్టడవిఁ [5]గార్కొనిన సంధ్యావహ్నిఁ               [6]బొడమిన దట్టంపుఁబొగ యనంగఁ దన మణి పడిపోవ ధరణీతలంబున               నెమకంగ వచ్చిన నింగి యనఁగ నల చుక్కలనియెడి వలరాజు గెలుపువ్రా               [7]ల్దెలియఁ [8]బూసిన మషీలేప మనఁగ

⁠

తే.⁠

[9]వృద్ధవారవిలాసినీవిసరమునకు నపలితంకరణౌషధం బనఁగ జార నలినముఖుల కదృశ్యాంజనం బనంగ నంధకారంబు [10]జగమెల్ల నాక్రమించె.

⁠ 165

ప్రౌఢకవి మల్లయ – రుక్మాంగదము [4-124]

[11]సీ.⁠

గగన[12]పల్వలసముత్కటమహాపంకంబు               నందుఁ ద్రుళ్ళెడు లులాయం బనంగ రజనీవధూటి తారకహారశోభకై               [13]రమణఁ దాల్చిన నీలిరవికె యనఁగ బ్రహ్మాండపటుకర్పరమున నర్కానలా               ర్చుల నుద్భవించు కజ్జల మనంగఁ గాలధాత్రీధరాగ్రమునందు నిబిడమై               కనుపట్టు నీలమేఘం బనంగ

⁠

తే.⁠

నంధకాసురగర్వాపహరణకంఠ ఘటితహాలహలప్రభ [14]గగనరేఖ [15]బలిమి జగమంతయును [16]నింత బలసె ననఁగ నంధకారంబు [17]జగమెల్ల నాక్రమించె.

⁠ 166

1. క.స్వ+oకణ, గ.పశ్వభుండన
2. క.గ.గంధ
3. క.గ.వృత్తి
4. క.మేటడవి, గ.పెట్టెడివి
5. గ.గాల్గొనిన
6. గ.బొదవిన
7. గ.దివియ
8. క.బూనిన
9. క.పెద్దవారి
10. గ.దిశలెల్ల
11. క-లో లేదు.
12. గ.పల్లవ
13. గ.రవణ
14. గ.గర్వ
15. గ.లలమి
16. గ.నిండ
17. గ.దిశలెల్ల