| చ. |
చెలువుగ దుష్కరంపుఁబని సేసియుఁ జేసితి నాక క్రూరతం
బలుమఱు వ్రేసినం గడవఁబల్కిన నుల్లములోన నొండుగాఁ
దలఁపక పల్కుచొప్పిదము తథ్యముగాఁ దగఁ బల్కి మోసలన్
బిలువక వేచియున్నతఁడు భృత్యుఁడు రాజున కెన్నిభంగులన్.
| 45
|
| ఆ. |
అన్యదేశమెల్ల నాత్మదేశంబకాఁ
దలఁచువాఁడు నెపుడు తలఁకు లేక
రమణ [1]సేఁత యెల్ల రాజ్యంబు [2]సేఁతగా
దలఁచువాఁడు ప్రియుఁడు ధరణిపునకు.
| 46
|
| క. |
మానుగఁ బతి పనిచినఁ దన
చే నిది గాదనక వేగఁ జేకొని యనలం
బైనఁ జొరవలయు నంబుధి
యైనను నీఁదంగవలయు నర్థిని భృత్యుల్.
| 47
|
| క. |
బలుకొఱడు వోలె నెండకుఁ
జలికిని వానకును నోర్చి జనపతి నెవ్వం
డలవడఁ గొలుచును వానికి
వలనొప్పఁగ సిరులు దాన వచ్చి వసించున్.
| 48
|
లోకనీతి
తిక్కనసోమయాజి ఉద్యోగపర్వము [2-46]
| క. |
చెలిమియు సంభాషణమును
బలిమి వివాదంబుఁ ద్రోపుఁ బాడియుఁ దమ యం
తలవారితోన తగు నధి
కుల హీనులతోడనైనఁ గొఱ గా దధిపా!
| 49
|
| క. |
వగ బలము దఱుఁగు రూపఱు
వగచినమతి దప్పుఁ దెవులు వచ్చును దూఱన్
వగచి నలంగినఁ బ్రియమగుఁ
బగతుఱకును వగచు టుడుగు పార్థివముఖ్యా!
| 50
|
- ↑ క.శాంత
- ↑ క.శాంత
