పుట:ప్రబంధరత్నాకరము.pdf/147

పుత్త్రోత్సవము

పెద్దిరాజు – అలంకారము [3-129]

క.⁠

మిత్రానందోదయము, న మిత్రత్రసనంబు శుభనిమిత్తంబును స త్పాత్రస్థితివితరణములు పుత్త్రోత్సవవేళయందుఁ బొగడఁగవలయున్.

⁠ 206

[3-130]

ఉ.⁠

చిత్రము పోర విశ్వవిభుచే నసిపుత్త్రికఁ గన్న పుత్త్రు లు ద్యత్త్రిదశాకృతిం బడసి యౌవనసంపదఁ జెంది మంగళా మత్రములై వెలుంగునెడ మంజులయుక్తిఁ దనర్చు దివ్యవా దిత్రితయంబు నింపొదవుఁ దెమ్మరలున్ సురపుష్పవృష్టియున్.

⁠ 207

ప్రౌఢకవి మల్లయ – రుక్మాంగదచరిత [1-142]

సీ.⁠

బహుళగంధముతోడఁ బవనుఁ డల్లన వీచె               దిక్కులు విశదమై తెలివినొందె జలరాసు లేడు నుత్సవమున నుప్పొంగె               భానుబింబము శుభప్రభఁ దనర్చె హవ్యవాహుఁడు దక్షిణార్చుల విలసిల్లెఁ               దరులు పుష్పఫలప్రతతుల నలరె నిర్మలంబైనట్టి నీరముల్ ప్రవహించె               నఖిలజీవులకు నాహ్లాద మొదవె

⁠

తే.⁠

నంబుజోదరు దివ్యపాదారవింద భక్తిభాజనుఁడైన యప్పార్థివునకు నమితగుణరత్నసంశోభి యగు కుమారుఁ డుదయమును నొందు నవ్వేళ నుర్వియందు.

⁠ 208

ఏర్చూరి సింగయ్య – కువలయాశ్వచరిత

సీ.⁠

తిమిరమంతయుఁ బాసి దిక్కులు తెలివొందె               నమృతాంశువులు సెందె నభ్రవీథి కువలయానందమై కోరిక లిగురొత్తె               విబుధుల మదిలోన వె[ట్ట]లొదవె నక్తంచరశ్రేణినయమెల్ల దిగజాఱె               చిత్తజోల్లాసంబు చెలువు మిగిలె

⁠