పుట:ప్రబంధరత్నాకరము.pdf/146

తే.⁠

నంగకము లొక్కమై నున్న [1]వాంగములను[?] గలిమిలేములు దమలోన నలకరించి [2]యరయఁ బుత్రోత్సవమున కాయత్తపడెనొ యనఁగ సతి మేన గర్భచిహ్నములు దోఁచె.

⁠ 203

నంది మల్లయ్య - మదనసేనము

సీ.⁠

మెఱుఁగుశృంగములందు మెదలకయున్న వి               నీలమేఘంబులు నీరజాస్య! వెన్నెలపులుఁగులు వేకువ చంద్రుపైఁ               దేలుచున్నవి చూడు తియ్యఁబోణి! మింట నాగడపలు మెల్లమెల్లన విచ్చి               కానరావయ్యె నో కలువకంటి! పారిజాతపుఁ దీగ బహువర్ణపుష్పభా               రంబు మోవగలేదు కంబుకంఠి!

⁠

తే.⁠

యనుచుఁ దమలోన [3]నర్మోక్తు లాడుకొనుచుఁ దనకు నుపచారములు సేయు ననుఁగుఁజెలులఁ జూచి నవ్వుచు సహజన్య చూడనొప్పెఁ జారు[4]దౌహృదలక్షణసహిత యగుచు.

⁠ 204

మలయమారుతము

సర్వన - షష్టమము

సీ.⁠

[5]ఒడియాపగ నున్న [6]యుదటు జుక్కవ లింక               నక్కట [7]నెగసి గాశాడకున్నె సరగామి నెంతయుఁ జఱుల లోఁబడనున్న               గిరులెల్ల నిఁకఁ బెచ్చు పెరుగకున్నె పగిలి లోఁగరిగెడు బంగారుకుండలు               తలకెక్కి యటమీఁదఁ జెలఁగకున్నె కలఁగిన మాలూరఫలము లింకిటుమీఁద               గిట్టి తీదీపులఁ బెట్టకున్నె

⁠

తే.⁠

[8]పరులు గన్గొన నున్నతిఁ బాయవలసె నక్కటా మాకు నని యని యాత్మఁ గుంద మునుపుఁ [9]జిత్తాంధకారంబు మొనసె ననఁగ నలినలోచన చనుమొనల్ నల్లనయ్యె.

⁠ 205

1. చ.సాంగములను[?]
2. క.యెసగఁ
3. చ.గర్భోక్తులు
4. చ.దోహద
5. చ.పొడి
6. చ.పుదులు
7. చ.నెగసె
8. నదు....గమైననున్నతి
9. చ.జింతాంధకారంబు