| తే. |
వీనిలో నొక్క టెద్దియేనైన నంక
ముండియును జెడకున్న వాఁ డువిద వీఁడు
ధర్మపరు హేతువునఁ గీఁడు దాఁకుఁ గాని
పాపవరుఁ దాఁకదనియెడి పలుకు నిజము.
| 129
|
పిల్లలమఱ్ఱి వీరయ్య – శాకుంతలము [3-185]
| సీ. |
భద్రకాళిభర్త పదతలాహతి బల్లి
పర వోలె [1]నెపమారఁ బ్రామడయ్యె
దక్షశాపజమైన యా క్షయావ్యాధి ని
ర్జీవిగా గాసిలఁ జేయదయ్యె
నమృత మెల్లను ద్రాగి యంకసారంగంబు
బింబమెల్లను నిండఁ బెరుఁగదయ్యె
నాచార్యుఁ డనక భార్యకుఁ దప్పినప్పుడు
పొడుగర నీ రంకు పొడవదయ్యె
|
|
| తే. |
ప్రథమకళ యారగించెడి పావకుండు
మీఁగడయుఁ బోలెఁ గడిచేసి మ్రింగడయ్యె
నేల యిటుసేయఁ బాంథుల ఫాలవీథి
వనజగర్భుఁడు వ్రాసిన వ్రాఁతఫలము.
| 130
|
| క. |
లోకము విరహులకును శశి
భీకరుఁ డగు టరుదె? సురలు పీఁకుక తినఁగా
నాకాశపిండమై తిరి
గే కుటిలాత్మునకు నేడ కృప మదిఁ దలఁపన్.
| 131
|
వివాహమునకు
పెద్దిరాజు అలంకారము [3-127]
| క. |
ప్రచురస్వయంవరోచిత
రచనలుఁ గన్యావరాభిరమ్యక్రియలున్
[2]విచితశుభాత్మకవిధులున్
రుచిరవివాహమ్ములందు రూపింపఁదగున్.
| 132
|
- ↑ క.నవ
- ↑ క.వీచితసాత్త్విక
