పుట:పూర్వకవుల శృంగారప్రబంధములు.pdf/84

⁠

పత్రముల్ పళ్ళు పూవులు పలురకముల ధూపసంభారములతోఁడ నేపు మీఱి.

⁠

తే.⁠

అటుల సుర లెల్ల రట కేగి నంతలోన రంభ యూర్వశి మేనకారమణు లెల్ల ననుపమానంబుగాను తయారు లౌచు వచ్చుచుండిరి యంచలవలె చెలంగి.

⁠

తే.⁠

ఇంద్రుఁ డైరావతము నెక్కి వేడ్క మీఱ దేవితోగూడ, తనవెంట దేవగురుని నిల్పుకొని వచ్చె శివపూజ సల్పుట కయి వచ్చు నత్తరి పలువురు వచ్చి రంత.

⁠

తే.⁠

కుంభకర్ణునిమేఢ్రంపుగుండు చుట్టు కలుగుచర్మముపై దేవగణము నిలిచి యుండ, నింద్రుఁడు కులపతి నండనుంచి గురునితోఁ గూడ వచ్చె నా గుండుదరికి.

⁠

తే.⁠

అట్లు వచ్చి బృహస్పతి యధికవిధుల మంత్రముల నెల్లఁ జదివి సన్మంగళముగఁ జేసె నభిషేక మెంతయో చెలువు మీఱ కుంభకర్ణునిమేఢ్రంపుగుండునకును.

⁠

తే.⁠

వాసవునినాతి చేతితో బట్టుకొనిన యగరుపుల్లలు చేజాఱి యందుఁ బడిన కాలె నాగుండు, కాలగా కాంతిఁ దప్పి వ్రాలిపోయెను చెప్పఁగా వశమె పైని.

⁠

తే.⁠

అందుఁ గొందరు గెంతలే కతనిమేఢ్ర మూఁతగాఁ గొని జాఱిరి యున్నవారు స్వర్గమున నుండి జాఱెడివారు మొదల చిక్కుగా నున్న నీఁకెలఁ జిక్కిరంత.

⁠