పుట:పూర్వకవుల శృంగారప్రబంధములు.pdf/17

గీ.⁠

గూడి గోలోకమందు గోకులమునందు వేడుకలుమీఱ విధువనక్రీడ సలిపె నట్టి కృష్ణుని శృంగార మభినుతింప నంచితముగ బ్రహ్మానంద మదియకాదె.

⁠

సీ.⁠

[1]రణము గావింప నొల్లక విషాదంబు నొందిన యర్జునుని నిమిత్తీకరించి సర్వోపనిషదర్థపాదభూతంబు సద్యోముక్తిదము మహా యెగి వేద్య మైన గీతాశాస్త్ర మత్యంతకరుణచే కర ముపదేశించు టరయచూడ భావికాలజనంబు భవబంధములఁ బాసి దోడ్తోడ ముక్తినొందుట గాదె

⁠

గీ.⁠

యట్టి కంసారి సృష్టిరక్షాంతకారి భువనహితకారి గోపికామోహకారి శౌరి లీలావిలాసము ల్సన్నుతింతు నతులమైన బ్రహ్మానంద మదియకాదె.

⁠

సీ.⁠

అంతిమన్మృతి తనయందుఁ గల్గుట జేసి చేదీశ కంస మురాదులకును సతతంబు భావించు కతన గోపికలకు నల నందునకు యశోదాదులకును సకలధర్మంబులు చాలించి శరణంబునఁ దిన విజ యెద్ధ వాదులకును మోక్ష మొసంగుట మొనసి గీతోక్తులు నిజము సేయుటకును విఖిల సమతఁ

⁠

గీ.⁠

దవిలి లోకహితార్థమే యవతరించె నుర్వి ననునది తెలియఁజేయుటకుగాదె యట్టిహరిలీల లన్నియు నభినుతింతు నార్యులార! బ్రహ్మానంద మదియకాదె.

⁠

సీ.⁠

మధురలో నుండి యమ్మాధవుం డొకనాడు వ్రేపల్లెలో నున్న గోపికలను రాధను యిళనును రతిరహస్యంబులు వారల లీలావిహారములను రాసోత్సవంబు జలక్రీడలను మఱి వారల నర్మసంభాషణములు మనమున తలపోసి మమతనిల్పగలేక యేకాంతసీమకు నింపుమెఱయ

⁠

గీ.⁠

యుద్ధవుని వేగరావించి యుత్సుకమున నతనితో నెయ్యమునఁ బల్కినట్టిశౌరి విప్రలంబశృంగారంబు విస్తరింతు నరసిచూడ బ్రహ్మానంద మదియకాదె.

⁠

సీ.⁠

ఒనర పిన్నటనాఁటనుండియు నాసోయగము శఠత్వాది భావములు జూచి ననుఁ గూడి క్రీడింప బనిబూని వనిత లింపొసగ కాత్యాయనీపూజ సలిపి వరములు వడపి యవ్వల శరద్రజనివనంబులో మద్వేణునాదము విని పతిసుతాదుల వీడి బాళితో నావద్ద కరుదెంచి యేనీతు లాడ వగలు

⁠

గీ.⁠

మీఱ బ్రతుకాసమాని కన్నీరుగార "నిన్ను నమ్మితిమ" న్నమాటెన్నుకొనిన జాలియగుచున్న దట్టియోషల వలపులు మదిదలంప బ్రహ్మానంద మదియకాదె.

⁠

1. అని సేయనొల్లక నతిదుఃఖమందు నర్జునుని దా హేతుభూతునిగఁ జేసి