పుట:పూర్వకవుల శృంగారప్రబంధములు.pdf/169

క.⁠

తిరుమణియు దులసిపేరులు తిరువారాధనయు బెద్ద తిరుగూడ వెసన్‌ ధరియించి ముష్టి కిప్పుడె తరలుము మంత్రాంగ ముడిగి దాసరి వగుచున్‌.

⁠ 51

గీ.⁠

బంధుఁడును బండితుఁడు గూరపాటి రాయ మంత్రివర్యుఁ డతని దోలు మడతబెట్టి కొట్టి సన్యాసి జేసితి విట్టివాఁడ వితని గులశేఖరుని జేయు టెంత నీకు.

⁠ 52

సీ.⁠

ఇయ్యనీయవుగదా యెంత సత్కవి వచ్చి             ప్రస్తుతించిన బూటబత్తె మైన నుండనీయవుగదా చండపండితరాజ             మండలంబును సభామంటపమున నిల్వనీయవుగదా నిమిషమాత్రం బైన             నాశీర్వదించు ధరామరులను చూడనీయవుగదా వేడుకతో బాడు             గానవిద్యాప్రౌఢగాయకులను.

⁠

గీ.⁠

కూసుమతమార్గరతుఁడ వై(డైన) కులము విడిచి తిరిగి(తిరుగు) నీ విందు జేరి మంత్రిత్వ మూని త్రిప్ప నీలాద్రిరా జిట్లు మొప్పె యయ్యె భీకరవ్యాజ యాదుర్తి భీమరాజ.

⁠ 53

శా.⁠

సామం బేమియు లేదు సాంత్వనవచస్సందర్భమున్‌ నాస్తి దు ర్గ్రామణ్యం బధికంబు కాముకతయు న్గాపట్యము న్హెచ్చుగా భీమామాత్యుఁడ వంచు బల్కుదురు ని న్బృధ్వి న్యదార్ధం బహో నీ మంత్రాంగముచేత నేడు చెడియె న్నీలాద్రిరా జెంతయున్‌.

⁠ 54

క.⁠

గణికశ్రేష్టుఁడ వయ్యో గణకాంగన పొందు రాజుగారికి దగదం చణుమాత్రము చెప్పవు నీ గుణము తెలిసివచ్చె బుద్ధికుశలుఁడవు భళీ.

⁠ 55