పుట:పూర్వకవుల శృంగారప్రబంధములు.pdf/132

క.⁠

కూఁతుర, యాతుర పడి నీ వాతనిఁ జేరంగఁబోకు, మటుతాళుము, వాఁ డేతెంచు సంచులను ధన మాతతగతి నించుకొంచు వ్యామోహమునన్‌.

⁠ 7

క.⁠

వలపెంత నీకుఁ గలిగినఁ గులధర్మము తప్పరాదు కుమ్మరపురువుం బలెఁ దిరిగి పొట్టఁ బెంపఁగ వలెఁ జుమ్మా ముద్దుగుమ్మ వగ నాయమ్మా.

⁠ 8

వ.⁠

అని యనేకప్రకారంబుల లాలించి మేలెంచి తనకాలంబు నాఁటి నాటకంబులు బూటకంబులు బోటిదనంబులు నీటులు కూటం బులమాటలు చాటుమాటు లేక తేటతెల్లంబుగా నబ్బోటితోఁ జాటం దొడంగె.

⁠ 9

క.⁠

వేంకటశాస్త్రులవంటి ని రంకుశులను మరులు కొల్పి యర్థము చాలన్‌ లంకించి నాకు నమ్మిన కింకరులుగఁ జేసికొంటిఁ గిమ్మనకుండన్‌.

⁠ 10

క.⁠

మున్నెంత వాఁడు వేఁడినఁ గన్నెఱికం బీక మీఁదుగట్టితి నీకై మన్ననఁ గైకొమ్మని విటు లన్నిత్యము మాయచేసి లంకింతు వరాల్‌.

⁠ 11

ఆ.⁠

ఒకఁడు గానకుండ నొక్కని రావించి యొకనిచెంత కేఁగుచుండి నడిమి దారి నొకనిఁ గూడి తబ్బిబ్బు గావించి ధనము కొల్లగొందుఁ దవిలి ముందు.

⁠ 12

క.⁠

మందుల మంత్రంబులచే విందులచేఁ బూఁతచేత వీడెంబులచే తందనపదముల నాటల మందులఁ గావించి విటుల మానక దోఁతున్‌.

⁠