పుట:పూర్వకవుల శృంగారప్రబంధములు.pdf/129

క.⁠

కొందఱు మలయుక్తముగా మం దిడుదురు మరులుకొనఁగ మా వారసతుల్‌ మందతఁ జెందును విటుఁ డటు నింద గదా యటుల సేయ నృపవర్యునకున్‌.

⁠ 94

క.⁠

ఏలాగు మాట లాడుదు నేలాగున మరులు కొలిపి యెలయింతును నే నేలాగు లోలుఁజేయుదు నేలాగునఁ గలుగు విత్త మెల్ల హరింతున్‌.

⁠ 95

క.⁠

అని చాల జాలినొందుచుఁ జనుగుబ్బలఁ బైఁట జార్చి చక్కఁగ నొత్తున్‌ మొనవాఁడిచూపుఁ జూచును బెనుకొ ప్పటు జాఱఁజేసి బిఱబిఱ ముడుచున్‌.

⁠ 96

తే.⁠

ఆవ ద్రావిన పసరమ ట్లది మెలంగఁ జూచి నీలాద్రిభూపతి సొమ్మసిల్లి మెల్లమెల్లన తెలివొంది కల్లు ద్రావి పరవశత నొందు చండాలు పగిదిఁ దోఁచి.

⁠ 97

సీ.⁠

వలఁ బడ్డ మీను కైవడి, నిప్పుఁ ద్రొక్కిన             కోఁతి భాతిని, వెఱ్ఱిగొన్న కుక్క పద్ధతి, గుడితిలోఁ బడిన మూషిక మట్లు,             శ్లేష్మంబులో నీఁగ లీల, సన్ని పాతి చందంబున, వాతంపుగొడ్డు వి             ధంబున, లాహిరీదళము మిగులఁ తినిన పాశ్చాత్యుని తీరున, నురి వడ్డ             పక్షి కైవడిఁ, బెనుపాము పగిది

⁠

గీ.⁠

భూత మూనిన మనుజుని పోల్కిఁ, బెట్టు మందు మెసవిన మాన్యు మాడ్కి, దేహ మెఱుఁగ కెంతయుఁ గళవళం బెసఁగ దాని పైఁ దలం పిడి కన్ను మోడ్పక యతండు.

⁠ 98