పుట:పూర్వకవుల శృంగారప్రబంధములు.pdf/123

⁠

శిరంబు మోపి పరుండి క్రిందు చూచుచు నా రాజాత్మజుం డిట్లనియె.

⁠ 16

క.⁠

వేంకటశాస్త్రులు మాకు న లంకారగ్రంథ మొకటి లలి సురభాషన్‌ బంకించె నాంధ్రకావ్యం బంకిత మొనరింపు మీవు నట్లనె మాకున్‌.

⁠ 17

క.⁠

అని మున్ను సత్ప్రబంధం బొనరింపుమటంచు జెప్పియుంటిమి వెస న ట్లనె రసముగ జెప్పితి వది గొన నిపుడు ధనంబు లేదు కొదువ లభించెన్‌.

⁠ 18

సీ.⁠

విను మదియెట్లన మనుజులు నామీఁద             బిట్టుగఁ జలమూని విజయరామ ధరణీశుతోఁ జెప్ప దండుగ పన్నెండు             వేలరూపాయలు వేగఁగొనియె నిచ్ఛాపురంబులో నేనొక్క లంజతో             భోగించి నిద్దుర బోవఁ జోరు లెలమి డేరా జొచ్చి బలువైన గుఱ్ఱంబు             వెండిపల్లముఁ బదివేల్వరాల.

⁠

గీ.⁠

సొమ్ము దొంగిలిపోయిరి సొమ్ముపక్కి సాటిదేశంబు రాయభూషణుఁడు ద్రొబ్బెఁ దప్పె భాగ్యంబు నిర్భాగ్యదశ లభించెఁ దవిలి సత్కృతిఁ గొన పదార్థంబు లేదు.

⁠ 19

తే.⁠

సత్కృతులు మున్ను రాజు లసంఖ్యగాఁగ నంది రవియెల్ల జగతి నందంద యణఁగె ఘనత జగదేకవిఖ్యాతి గలుగదయ్యె వ్యర్థమయ్యె బదార్థంబు వారిదెల్ల.

⁠ 20

క.⁠

అపకీర్తియు కీర్తియు భువి నెపుడుం బోకుండు; గీర్తి కియ్యగవలయున్‌

⁠