పుట:పాంచాలీపరిణయము (కాకమాని మూర్తి).pdf/37

36

పాంచాలీపరిణయము

ఉ.⁠

మంగళసూత్రమంగ గరిమంగళలంగను సర్వమంగళా పాంగ నటద్ఘృణాఖనికి నంగనకున్ గళసీమఁ గట్టె రా ట్పుంగవచక్రవర్తి విధుపూర్ణముఖీకుచకుంభపాతశా తాంగభవాసిభాసినఖరాంకురముల్ గిలిగింతగొల్పఁగన్.

⁠

మ.⁠

కులుకుందోరపు గబ్బిగుబ్బచనుముక్కుల్ నిక్కి చొక్కంపుకం చుళి నొక్కింతవకావకల్ గొలుప మించుల్ గ్రమ్ముదోర్మూలని ర్మలశోభల్ భుజభూషలం జికిలిదోమం బ్రోన్నమత్ప్రాంజలిం దలఁబ్రా ల్వోసెఁ దలోదరీమణి పృథాతామ్రాధరాసూతికిన్.

⁠

గీ.⁠

ధన్యకన్యక ద్రుపదుండు ధారవోయ, ధర్మతనయుని వెనుక నాధౌమ్యుఁ డంత నింతిఁ బాణిగ్రహణము చేయించె నటుల, కడమ నల్గురిచే యథాక్రమము గాఁగ.

⁠

మ.⁠

ద్విపముల్ నూఱురథంబులట్ల హయముల్ వెయ్యేసి దాసీమణుల్ చపలాక్షుల్ పదివేవురుం గనకచంచన్మంచకాంచన్మణీ తపనీయాభరణంబు లెన్నియయినన్ ద్రవ్యం బపారంబుగాఁ గృప నొక్కొక్కరి కగ్నిసాక్షిగ నొసంగెన్ మామ యల్లుండ్రకున్.

⁠

మ.⁠

ఘనపాకాన్నము గన్నవారల కిడన్ గన్నారె రూకన్న నా కును బోకన్న నోకన్న మున్నిటులు గోకొమ్మన్నచో టున్నదా మనప్రాకెన్న చెలంగెఁ గీర్తిలతికల్ పాకారిలోకంబువెం టనె ప్రాఁకె న్నయమొప్పనంచు నరులాడంజొచ్చి రిచ్ఛాగతిన్.

⁠

గీ.⁠

నాగవల్లి మించె నానామనీషి పు, న్నాగవేల్లితేచ్ఛ బాగుదీర్చి త్యాగ మెల్లి యనుచుఁ దక్కువార లొసంగు, నాగవల్లిమాత్రమే గణింప.

⁠

గీ.⁠

ఏగుఁ బెండ్లినాఁడ హీనకాహళశంఖ, పటహవాద్యపద్యబాణవిద్య భోరుకలఁగె భూనభోభాగ మారేయి, పట్టపగలుచేసెఁ బంజు లెల్ల.

⁠

ఉ.⁠

విందులకెల్ల నేఁ డిచట విందనినన్ సచివుల్ పురోహితుల్ గొందఱు బజ్జిపచ్చడులు గూరలు చారులు పిండివంట లె ల్ం దగఁదెచ్చిరైందవ శిలాకులతుందిల పాకమందిరా ళింద బహిర్మహీ రచితలేఖ మణీఖచితాగ్రవేదికిన్.

⁠

క.⁠

వంట యొకించుక చేయుం, డంట ల్విన్నారొ లేదొ యచటిసువారం బింటికలకంఠు లొకగడె, యంటనె కావించి రీశ్వరాయుతమునకున్.

⁠

మ.⁠

పిలువంబోయిన యంగజాలతరువుల్ బీరమ్ములున్ ఱొమ్ము టె క్కులపూఁతల్ గసివింతయెత్తుబురుసాకుళ్ళాయ లందంపుఁజే

⁠