పుట:పద్మపురాణము (మడికి సింగన).pdf/201

ఉత్తరఖండము-చతుర్థాశ్వాసము

169

క.⁠

తనప్రాణ మిచ్చియైనను ఘను లెల్లప్పుడుఁ బరోపకారము సేయన్ జనుఁ బరపురుషార్థముతో నెనయవు పదివేలక్రతువు లెవ్వియు నైనన్.

⁠ 143

వ.⁠

అని నిశ్చయించి తనచేతి గంగాయమునాసంగమజలంబు లతనికిం బోయుటయుఁ దజ్జలపానంబునం జేసి తృష్ణ దీర్చు కొని యన్నీరంబు[1]శరీరంబునం జల్లుకొని యతండు తత్క్షణంబ.

⁠ 144

ఉ.⁠

ప్రీతిఁ బిశాచ [2]రూప మఱి పెంపెసలార సురల్ నుతింపఁగా నాతతపద్మపత్రరుచిరాయతనేత్రయుగంబుఁ దప్తహే మాతిమనోహరాంగకము నాయతబాహులు నీలకేశసం ఘాతముఁ జారుభూషణసుగంధిదుకూలములున్ వెలుంగఁగన్.

⁠ 145

వ.⁠

ఇట్లు కేరళవిప్రుండు దివ్యరూపధరుండై పథికున కిట్లనియె.

⁠ 146

క.⁠

గంగాజలము మహత్త్వము భంగి ప్రశంసింపలేఁడు బ్రహ్మయు నని తా నంగీకరించి యౌదల నంగజహరుఁ డునుచుకొనఁడె యఖిలము నెఱుఁగన్.

⁠ 147

క.⁠

తిలమాత్రమైన గంగా జలపానము సేయునేని జనుఁ డప్పుడ యు జ్జ్వలదివ్యదేహుఁడగు మఱిఁ గలనైనను జొరఁడు తల్లి గర్భము నెపుడున్.

⁠ 148

తే.⁠

జ్ఞాతిబంధులలో నొక్కజనుఁడు ప్రీతి నిం బ్రయాగకుఁ జని తర్పణంబు సేయ నతనిగోత్రంబువారు పాపాత్ములైన నరక మొందక పోదురు నాకమునకు.

⁠ 149

1. శిరంబునం జిలికించుకొని (తి-హై)
2. రూపుడిగి (తి-హై)