అది గావున నెఱిఁగి యెఱిఁగి, వెఱ్ఱి ఖరంబుగాను మృతురాకృత
పుణ్యఫలమ్మున నీచేఁ జిక్కు విడివడి బ్రతికితిఁ, గృతఘ్నుండవగు నీతోడి
సఖిత్వం బింతియి చాలు, నిష్కల్మషుండగువానికి దైవంబు సహాయంబగు
నని తన్ను నిందించు వానరేంద్రుం గని శింశుమారుండు లబ్ధనాశనంబగు
టకు మనమ్మున సంతాపించుచుఁ దనమందిరంబున కరిగెఁ దదనంతరంబున
వానరపుత్రుండగు సుశర్మయనువాఁ డేతెంచి, తండ్రికిం బ్రణామం బాచరించి
తదనుమతంబున శాఖాగ్రంబునఁ గూరుచుండి తన్మంత్రివరులచే శింశుమార
వృత్తాంతంబంతయు విని, కోపాటోపంబున జనకవిరోధిం బొరిగొనవలయు
నని చింతించి తండ్రి కిట్లనియె,— అయ్యా! శింశుమారుండు పాపి వానిం
బొరిగొనక యేల పొమ్మంటివి! అపకారికి నుపకారంబును, నుపకారికి నపకా
రంబునుఁ జేయుట ధర్మవిరోధంబు. ము న్నొకవిటుండు వేశ్యం బొరిగొన్న
యట్లు, వాని వధింపవలయుననినఁ గుమారునకుఁ దండ్రి యిట్లనియె,—