పుట:నీలాసుందరీపరిణయము.pdf/23

క.⁠

బిట్టలిగి వ్రేత లొగిఁ దన రట్టడిచందములఁ దెల్పి రాయిడి వెట్టం గట్టలుకఁ దల్లి ఱోలం గట్టిన వడి నేఁగి మద్దికవ పెకలించెన్.

⁠ 79

ఆ.⁠

అట్టియావడులకు బిట్టు గాసిలి గొల్ల లెల్ల బృందలోని కిపుడు సేరి రందు విసపుమ్రాఁకు లైయున్నచెడుగురే ద్రిమ్మరుల నడంచి తమ్మికంటి.

⁠ 80

సీ.⁠

బంగారుఁదగటుదుప్పటి బిగ్గ మొలఁ జుట్టి             కేల జొక్కపుఁబిల్లఁగ్రోలు వట్టి పెంపారుబలునెమ్మిపించె మౌదలఁ బూని             చెవిని జీఁకటిమ్రానిచివురు దుఱిమి సొగసుగా నొసలఁ గస్తురిబొట్టు సవరించి             క్రొన్ననసరము లక్కున నమర్చి గురివెందపూసపేరొరయ సందిటఁ గట్టి             సన్నంపుసెలగోల చంక నిఱికి

⁠

తే.⁠

చెలిమికాండ్రను గూడి నిచ్చలముమీఱఁ గడఁకతోనాలకదుపులఁ గాచుకొనుచు గొమరు దళుకొత్త ననయంబు జమునపొంత మెలఁగు నెనలేనిహొయల నమ్మేటివేల్పు.

⁠ 81

తే.⁠

మరుని రేఱేని జేజేలదొరకొమరునిఁ బూసనెలతాల్పుచెలిపట్టిఁ బోలఁ జాలు వానిచెలువంబు నుడువులఱేని కైనఁ బూని దిటముగ వాక్రువ్వఁ బోలదెందు.

⁠ 82