524
ద్విపద భారతము.
గనుఁగొని మల్లసంగ్రామంబు సేయ
ననిలతనూభవుం డతనిడాయుటయు,
సురుచిరోజ్జ్వలభాను శుచిబృహద్భాను
వరకాంతిహిమభాను వాక్యావధాను
బుధవిబుధోద్యానుఁ బుణ్యాభిధానుఁ
బ్రధనజయస్థానుఁ బార్థసన్మాను
శౌర్యవిష్వక్సేను సత్యనిధాను
ధైర్యసన్మణిసాను ధర్మసంధాను
నలఘువిజ్ఞాను భాద్రాసనాసీను
బలపవమాను దోర్బలభీమసేనుఁ
గని జరాసంధుడు గర్వంబుతోడ
ననిసేయ డగ్గఱి యనిలజుఁబొడిచె.
భీమసేనుండును భీమశౌర్యమున
నామగధేశుని నదరంటఁబొడిచె.
హిమకరదోర్దండ హేలాప్రచండ (?)
సమరభీకర వరచరణ ఘట్టనల
బ్రహ్మాండమెల్లఁ గంపముచాలనొందె;
బ్రహ్మ సంస్తుతుఁడైనపరమేశ్వరుండు
మెచ్చెనవ్వేళను ; మెఱసి వారపుడు
చెచ్చర నొడిసియుఁ జెనసిపట్టియును
వేసియు డాసియు వీఁగనొత్తియును
జేసేఁతనొడిసియుఁ జెలఁగిపల్కియును
బ్రబలి సింహంబునుభద్రసామజము
విబుధేశ్వరుండును వృత్రాసురుండుఁ
గులిశంబుగిరియును గొనకొనిపోరు
చెలువంబునను భీమసేనమాగధులు
మగఁటిమిఁ గార్తికమాసశుద్ధమున
నగణితంబైన పాడ్యమిదివసంబు
