ఆది పర్వము ; అష్టమాశ్వాసము
469
మ్రొక్కుము; నిన్నునాముదితదీవించు;
నక్కాంతదీవెన వ్యర్థంబుగాదు"
నావుడు నయ్యింతి నాథునియాజ్ఞ
[1] వేవేగ నా కాంత వీక్షించి మ్రొక్క,
ననయంబు నాసాధ్వి యాదరంబమర:
......................................
వెలఁది, నీపురుషుండు విజయుఁడౌఁగాక;
తలఁపంగ వీరమాతవు నీవుగమ్ము.
అనుచు దీవించుచో, నంత నర్జునుఁడు
చనుదెంచి యన్నకు సద్భక్తి మ్రొక్కి
భీమధౌమ్యులకును బ్రీతిమైనెఱిఁగి,
యా మాద్రిసుతుల నొయ్యనఁగౌఁగిలించి,
గరమొప్పఁ దనయాత్రకథలెల్లఁ జెప్పి,
హరిసత్వమున యాదవావలిఁ ద్రోచి
హరిణాక్షిఁదెచ్చినయదియును జెప్పి,
సరస[2]రీతులఁ బథశ్రాంతి దీఱంగ
సరస[3]సుభద్రుపచారముల్ సేయఁ,
బరమానురాగ సౌభాగ్యుడైయుండె.
వారిజాక్షుండు ననుజభర్తకును
దటుకున నరణంబు దానిచ్చు వేడ్క
సారణ బల సాంబ శైనేయ ముఖ్య
వీరులు సేవింప వేవేగఁగదలి,
కరి రథ హరిభటుల్ గదిసికొల్వంగ,
వర భేరికాహళావళులు ఘోషింప,
హరి యింద్రప్రస్థ మహాపురంబునకు
నరుదెంచి, యాపాండవాత్మజులకును
